Qazaqstanda Parlament Senatynyń depýtattyǵyna kandıdattardy tirkeý aıaqtaldy. Senat depýtattarynyń 20 mandatyna usynylǵan 130 úmitkerdiń 66 kandıdaty tirkeldi, dep habarlaıdy “Adyrna” ulttyq portaly.
Senat depýtatynyń bir mandatyna úsh kandıdat úmitker.
"QR Parlamenti Senaty depýtattarynyń kezekti saılaýyn daıyndaý jáne ótkizý jónindegi negizgi is-sharalardyń kúntizbelik josparyna sáıkes, 24 jeltoqsan kúni saǵat 18.00-de kandıdattardy tirkeý aıaqtaldy", – dep málimdedi Ortalyq saılaý komıssııasy.
66 úmitkerdiń 63-i (95,5%) ózin-ózi usynǵan, tek úsheýin (4,5%) máslıhat usyndy.
Tirkelgen úmitkerlerdiń ishinde 46 er adam jáne 20 áıel bar. Tórt kandıdat – Senattyń qazirgi depýtattary, 15-i – memlekettik uıymdardyń, kásiporyndar men mekemelerdiń qyzmetkerleri, 29-y – memlekettik qyzmetkerler, 13-i – kommerııalyq qurylymdardyń qyzmetkerleri, beseýi – qoǵamdyq uıymdardyń ókilderi.
Úmitkerlerdiń ortasha jasy – 51,8 jas.
Jambyl oblysy men Almatyda kandıdattar kóp tirkeldi, ár aımaqta bes kandıdattan. Abaı jáne Túrkistan oblystarynda tórt kandıdat tirkelgen. Qalǵan 15 oblysta jáne Shymkentte úsh úmitker tirkelgen.
Orta eseppen bir mandatqa úsh kandıdat úmitti.
Kandıdattardy tirkeý merzimi aıaqtalǵan sátten bastap saılaý aldyndaǵy úgit bastaldy, ol 2023 jylǵy 13 qańtarda saǵat 00.00-de aıaqtalady.
Saılaý 14 qańtarda ótedi.
