Home CREDIT Bank الماتىنىڭ مەديتسينالىق جەدەل جاردەم قىزمەتكەرلەرىنە ارنالعان قىسقى فورمانى تەگىن تابىستادى

2365
Adyrna.kz Telegram

الماتى جەدەل مەديتسينالىق جاردەم قىزمەتكەرلەرى قىسقى اۋا رايىنا ارنالعان قىزمەتتىك فورمالاردىڭ 3000 جيىنتىعىن الدى.  جەدەل جاردەم قىزمەتىنىڭ ديرەكتورى ەربول سارسەنباەۆ قىزمەتكەرلەردىڭ جۇمىسىندا جاڭبىردا دا، قاردا دا تۇراقتى ءىس-ساپارلار بولاتىنىن، سوندىقتان قىزمەتكەرلەردىڭ جايلىلىعى سىرتقى كيىمنىڭ ىڭعايلىلىعى مەن جەڭىلدىگىنە بايلانىستى ەكەنىن اتاپ ءوتتى. سونداي-اق كوستيۋمدەردە قىزمەتكەركەردىڭ قاۋىپسىزدىگى ءۇشىن ارنايى كەشكى ۋاقىتتاردا جارىق بولەتىن تاسپا تىگىلگەن.

«وزدەرىڭىز بىلەتىندەي، جەدەل جاردەم قىزمەتكەرلەرى كيەتىن كيىم بىرقاتار تالاپتارعا ساي بولۋى كەرەك. بۇل قاراپايىم جىلى قىسقى كيىم ەمەس. قىزمەتكەرلەردىڭ فورماسى كەز كەلگەن جاعدايعا ءتوزىمدى بولۋى كەرەك، سونداي-اق حيميالىق جانە تەرميالىق وڭدەۋگە توتەپ بەرىپ، قىزمەتكەرلەر ەركىن قوزعالا الاتىنداي ىڭعايلى بولۋى قاجەت. ەستەتيكالىق كورىنىس تە باستى فاكتور بولىپ تابىلادى. دارىگەرلەردىڭ كورنەكتى بولىپ كورىنۋى دە اسا ماڭىزدى، باسقا سالالاردىڭ ارنايى قىزمەتكەرلەرىنەن ەرەكشەلەنۋى ءتيىس. ءبىز Home Credit Bank-كە كورسەتكەن قولداۋى ءۇشىن العىس ايتامىز. فورما بارلىق اتالعان پارامەترلەرگە تولىق سايكەس كەلەدى جانە ءبىزدىڭ قىزمەتكەرلەرگە ىڭعايلى بولادى دەپ سەنەمىن»، — دەپ اتاپ ءوتتى ەربول سارسەنباەۆ.

بۇل بيىلعى جىلى دەمەۋشىلىك كومەكتىڭ ەكىنشى بولىگى: كوكتەمدە Home CREDIT Bank قىزمەتكەرلەرىنە ارنالعان 2 مىڭ جازعى فورما جيىنتىعىنىڭ قۇنىن تولەگەن ەدى.

«ءبىزدىڭ جاڭا دامۋ ستراتەگيامىزعا سايكەس «سىزدەرگە كومەكتەسكەنىمىزگە وتە قۋانىشتىمىز!» دەگىم كەلەدى. ءبىز الماتى جەدەل جاردەم قىزمەتكەرلەرىنە ءبىرىنشى رەت كومەكتەسىپ وتىرعان جوقپىز، قاجەت بولعان كەزدە قول ۇشىن سوزۋعا دايىنبىز. دارىگەرلەر تاۋلىك بويى جانە كۇن سايىن قالا تۇرعىندارىنا كومەك كورسەتۋ ءۇشىن كوپ نارسەنى قۇربان ەتەدى. قىسقى فورما — بۇل ولاردىڭ ەڭبەك جاعدايلارىن ىڭعايلى ەتۋگە كومەكتەسەتىن ەڭ كىشكەنتاي ەلەمەنت. ەگەر كەيبىر قيىن ساتتەردە دارىگەرلەر، فەلدشەرلەر مەن جۇرگىزۋشىلەر جىلى كيىنەتىن بولسا، قالاي دا كەم دەگەندە ءبىر ءومىر قۇتقارىپ قالا الادى. ءبىز ءوزىمىزدىڭ قوسقان ۇلەسىمىزدى ءساتتى بولدى دەپ ەسەپتەيمىز»، — دەپ اتاپ ءوتتى «Home Credit Bank» اق باسقارما توراعاسى كيريل باچۆاروۆ.

قۇرامىنا Home Credit Bank قازاقستان كىرەتىن «HOME CREDIT» حالىقارالىق توبى ءوز قىزمەتىندە ەكولوگيالىق، الەۋمەتتىك جانە باسقارۋ قاعيداتتارىن (ESG) دايەكتى تۇردە ساقتايدى. HOME CREDIT توبىنىڭ ESG تاجىريبەسىندەگى نەگىزگى باعىتتار — قورشاعان ورتاعا قامقورلىق، قاۋىمداستىقتارعا كومەكتەسۋ، قىزمەتكەرلەرگە دەگەن ءادىل قارىم-قاتىناس، جاۋاپتى نەسيەلەۋ جانە قارجىلىق قولجەتىمدىلىكتى قامتاماسىز ەتۋ. Home CREDIT توبى 2021 جىلى 50-دەن استام قاۋىمداستىقتارعا كومەك كورسەتىپ، قايىرىمدىلىق باستامالارىنا 1,3 ميلليون دوللار ءبولدى. Home CREDIT-ءتىڭ توپ-مەنەدجەرلەرى ESG پرينتسيپتەرى بۇكىل الەمدەگى بيزنەسكە جاۋاپتى ىسكەرلىك تاجىريبەنى كورسەتۋدىڭ ىڭعايلى قۇرالىن ۇسىنادى دەپ سانايدى.

پىكىرلەر