Almaty jedel medıınalyq járdem qyzmetkerleri qysqy aýa raıyna arnalǵan qyzmettik formalardyń 3000 jıyntyǵyn aldy. Jedel járdem qyzmetiniń dırektory Erbol Sársenbaev qyzmetkerlerdiń jumysynda jańbyrda da, qarda da turaqty is-saparlar bolatynyn, sondyqtan qyzmetkerlerdiń jaılylyǵy syrtqy kıimniń yńǵaılylyǵy men jeńildigine baılanysty ekenin atap ótti. Sondaı-aq kostıýmderde qyzmetkerkerdiń qaýipsizdigi úshin arnaıy keshki ýaqyttarda jaryq bóletin taspa tigilgen.
«Ózderińiz biletindeı, jedel járdem qyzmetkerleri kıetin kıim birqatar talaptarǵa saı bolýy kerek. Bul qarapaıym jyly qysqy kıim emes. Qyzmetkerlerdiń formasy kez kelgen jaǵdaıǵa tózimdi bolýy kerek, sondaı-aq hımııalyq jáne termııalyq óńdeýge tótep berip, qyzmetkerler erkin qozǵala alatyndaı yńǵaıly bolýy qajet. Estetıkalyq kórinis te basty faktor bolyp tabylady. Dárigerlerdiń kórnekti bolyp kórinýi de asa mańyzdy, basqa salalardyń arnaıy qyzmetkerlerinen erekshelenýi tıis. Biz Home Credit Bank-ke kórsetken qoldaýy úshin alǵys aıtamyz. Forma barlyq atalǵan parametrlerge tolyq sáıkes keledi jáne bizdiń qyzmetkerlerge yńǵaıly bolady dep senemin», — dep atap ótti Erbol Sársenbaev.
Bul bıylǵy jyly demeýshilik kómektiń ekinshi bóligi: kóktemde Home CREDIT Bank qyzmetkerlerine arnalǵan 2 myń jazǵy forma jıyntyǵynyń qunyn tólegen edi.
«Bizdiń jańa damý strategııamyzǵa sáıkes «Sizderge kómekteskenimizge óte qýanyshtymyz!» degim keledi. Biz Almaty jedel járdem qyzmetkerlerine birinshi ret kómektesip otyrǵan joqpyz, qajet bolǵan kezde qol ushyn sozýǵa daıynbyz. Dárigerler táýlik boıy jáne kún saıyn qala turǵyndaryna kómek kórsetý úshin kóp nárseni qurban etedi. Qysqy forma — bul olardyń eńbek jaǵdaılaryn yńǵaıly etýge kómektesetin eń kishkentaı element. Eger keıbir qıyn sátterde dárigerler, feldsherler men júrgizýshiler jyly kıinetin bolsa, qalaı da kem degende bir ómir qutqaryp qala alady. Biz ózimizdiń qosqan úlesimizdi sátti boldy dep esepteımiz», — dep atap ótti «Home Credit Bank» AQ Basqarma tóraǵasy Kırıl Bachvarov.
Quramyna Home Credit Bank Qazaqstan kiretin «HOME CREDIT» halyqaralyq toby óz qyzmetinde ekologııalyq, áleýmettik jáne basqarý qaǵıdattaryn (ESG) dáıekti túrde saqtaıdy. HOME CREDIT tobynyń ESG tájirıbesindegi negizgi baǵyttar — qorshaǵan ortaǵa qamqorlyq, qaýymdastyqtarǵa kómektesý, qyzmetkerlerge degen ádil qarym-qatynas, jaýapty nesıeleý jáne qarjylyq qoljetimdilikti qamtamasyz etý. Home CREDIT toby 2021 jyly 50-den astam qaýymdastyqtarǵa kómek kórsetip, qaıyrymdylyq bastamalaryna 1,3 mıllıon dollar bóldi. Home CREDIT-tiń top-menedjerleri ESG prınıpteri búkil álemdegi bızneske jaýapty iskerlik tájirıbeni kórsetýdiń yńǵaıly quralyn usynady dep sanaıdy.
