Halyk Bank — ەلىمىزدە ءبىر عاسىرعا جۋىق تابىستى جۇمىس ىستەپ، نەگىزگى كورسەتكىشتەر بويىنشا قازاقستاندا كوش باستاپ كەلە جاتقان ءىرى كوممەرتسيالىق بانك. بۇگىندە ول قايىرىمدىلىق جانە دەمەۋشىلىك قىزمەتى ارقىلى دا رەسپۋبليكا جۇرتشىلىعىنا كەڭىنەن تانىمال، دەپ حابارلايدى «ادىرنا» ءتىلشىسى.
بانك قازاقستان حالقى ءۇشىن ماڭىزدى جوبالاردى جۇيەلى تۇردە قولداپ، كورپوراتيۆتىك الەۋمەتتىك جاۋاپكەرشىلىك قاعيداتتارىن ۇستانادى.
اتاپ ايتساق، Halyk Bank جىل سايىن تىكەلەي جانە «حالىق» قايىرىمدىلىق قورى ارقىلى مادەنيەت، ءبىلىم بەرۋ، سپورت سالالارىن جانە الەۋمەتتىك قورعاۋدى قولداۋ بويىنشا بىرقاتار جوبانى تۇراقتى تۇردە جۇزەگە اسىرادى. سونىمەن قاتار، اۋىر دەرتكە شالدىققان بالالارعا كومەك كورسەتەتىن قايىرىمدىلىق قورلارىنا دا كومەكتەسىپ تۇرادى.
2022 جىلى كورسەتىلگەن قايىرىمدىلىق جانە دەمەۋشىلىك كومەك كولەمى 6,3 ملرد تەڭگەدەن استامدى قۇرادى.
ەڭ كوپ ۇلەستى الەۋمەتتىك جوبالار الدى. ونىڭ جالپى كولەمى 5,7 ملرد تەڭگەدەن اسادى.
بيىل بانك بىرنەشە ءىرى قايىرىمدى ءىس اتقاردى. ولاردىڭ قاتارىنا قاڭتار وقيعاسى كەزىندە قازا تاپقان اسكەري قىزمەتشىلەردىڭ وتباسىلارىنا كورسەتكەن كومەكتى، قاندى قاڭتاردا زارداپ شەككەن ميكرو جانە شاعىن بيزنەس وكىلدەرىنە بەرىلگەن قولداۋدى، ورتتەن زارداپ شەككەن قوستاناي تۇرعىندارىنا بەرىلگەن كومەكتى ايتساق بولادى.
مادەنيەت جانە ونەر سالاسىنا بولىنگەن قارجى — شامامەن 200 ملن. ەڭ ماڭىزدى جوبالار:
— اباي اتىنداعى قازاق مەملەكەتتىك اكادەميالىق وپەرا جانە بالەت تەاترى;
— اباي اتىنداعى قازاق مەملەكەتتىك اكادەميالىق وپەرا جانە بالەت تەاترى - “سۇيىكتى قالامداعى جاز اۋەنى”;
— استانا وپەرا.
2022 جىلى Halyk Bank سپورت پەن ءبىلىمنىڭ دامۋىنا دا ەرەكشە ۇلەس قوسىپ، 337 ميلليون تەڭگەدەن استام قارجى جۇمسادى. ەڭ ماڭىزدى جوبالارىنا ۇلتتىق وليمپيادا كوميتەتى جانە پەكين 2022 قىسقى پاراليمپيادا ويىندارىن، قازاقتىلدى باق اراسىنداعى «ەركىن ءسوز» بايقاۋىن ايتا الامىز.
الەۋمەتتىك ماڭىزى بار ءىس-شارالاردى قولداۋعا شامامەن 40 ملن تەڭگە قارجى ءبولىندى. ەڭ ماڭىزدى جوبالار:
• قازاقستاندىق ءوسۋ فورۋمى
• ىسكەر ايەلدەر فورۋمى
• «دامۋ» قازاقستاندىق وندىرۋشىلەرىنىڭ كورمەسى
• ساندىق كوپىر
• ىشكى ىستەر مينيسترلىگىنىڭ كورمەسى
• ESG حالىقارالىق كونفەرەنتسياسى.
