Halyk Bank — elimizde bir ǵasyrǵa jýyq tabysty jumys istep, negizgi kórsetkishter boıynsha Qazaqstanda kósh bastap kele jatqan iri kommerııalyq bank. Búginde ol qaıyrymdylyq jáne demeýshilik qyzmeti arqyly da respýblıka jurtshylyǵyna keńinen tanymal, dep habarlaıdy «Adyrna» tilshisi.
Bank Qazaqstan halqy úshin mańyzdy jobalardy júıeli túrde qoldap, korporatıvtik áleýmettik jaýapkershilik qaǵıdattaryn ustanady.
Atap aıtsaq, Halyk Bank jyl saıyn tikeleı jáne «Halyq» qaıyrymdylyq qory arqyly mádenıet, bilim berý, sport salalaryn jáne áleýmettik qorǵaýdy qoldaý boıynsha birqatar jobany turaqty túrde júzege asyrady. Sonymen qatar, aýyr dertke shaldyqqan balalarǵa kómek kórsetetin qaıyrymdylyq qorlaryna da kómektesip turady.
2022 jyly kórsetilgen qaıyrymdylyq jáne demeýshilik kómek kólemi 6,3 mlrd teńgeden astamdy qurady.
Eń kóp úlesti áleýmettik jobalar aldy. Onyń jalpy kólemi 5,7 mlrd teńgeden asady.
Bıyl bank birneshe iri qaıyrymdy is atqardy. Olardyń qataryna Qańtar oqıǵasy kezinde qaza tapqan áskerı qyzmetshilerdiń otbasylaryna kórsetken kómekti, qandy Qańtarda zardap shekken mıkro jáne shaǵyn bıznes ókilderine berilgen qoldaýdy, órtten zardap shekken Qostanaı turǵyndaryna berilgen kómekti aıtsaq bolady.
Mádenıet jáne óner salasyna bólingen qarjy — shamamen 200 mln. Eń mańyzdy jobalar:
— Abaı atyndaǵy qazaq memlekettik akademııalyq opera jáne balet teatry;
— Abaı atyndaǵy qazaq memlekettik akademııalyq opera jáne balet teatry - “Súıikti qalamdaǵy jaz áýeni”;
— Astana Opera.
2022 jyly Halyk Bank sport pen bilimniń damýyna da erekshe úles qosyp, 337 mıllıon teńgeden astam qarjy jumsady. Eń mańyzdy jobalaryna Ulttyq Olımpıada komıteti jáne Pekın 2022 qysqy Paralımpıada oıyndaryn, qazaqtildi BAQ arasyndaǵy «Erkin sóz» baıqaýyn aıta alamyz.
Áleýmettik mańyzy bar is-sharalardy qoldaýǵa shamamen 40 mln teńge qarjy bólindi. Eń mańyzdy jobalar:
• Qazaqstandyq ósý forýmy
• Isker áıelder forýmy
• «Damý» qazaqstandyq óndirýshileriniń kórmesi
• Sandyq kópir
• Ishki ister mınıstrliginiń kórmesi
• ESG halyqaralyq konferenııasy.
