"Ózimizdiń jeke basymyzǵa tán oıymyzdy ustanyp, saıasattaǵy qıturqy áreketterdiń arbaýyna túsip qalmaıyq". Bul pikirdi belgili ánshi Dımash Qudaıbergen elordada ótken I Ortalyq Azııa medıa forýmynda aıtty, dep jazady "Adyrna" ulttyq portaly.
"Árbir adam adamsúıgish bolýy kerek. Bir-birine degen mahabbaty bolýy kerek. Adamnyń túısiginde: "Ulttyń jamany bolmaıdy" degen oı qalyptasýy kerek. Ókinishke qaraı, eger de bir ulttyń ókili oǵash qylyq jasaıtyn bolsa, túbegeıli sol ultty jaman dep esepteıtinder de bar. Sol sebepten eń aldymen ulttyń jamany joq ekenin túsinýimiz kerek. Sonymen qatar árqashan bir-birine degen erekshe yntyzarlyq, mahabbatpen, adamsúıgishtikpen qarap júrýimiz kerek. Eger osy ustanymdy ustanatyn bolsaq, álemde beıbitshilik te bolady, tynyshtyq ta bolady. Eń bastysy saıasatpen aralasyp jatqan azamattardyń qıturqy áreketterine aldanbaı, arbalmaı, ózimizdiń jeke basymyzǵa tán ǵana oıymyzdy ustanyp, sonymen ilgerilep júrýimiz qajet dep oılaımyn. Myna saıasattaǵy qıturqy áreketterdiń arbaýyna túsip qalmaıyq", - dedi Dımash Qudaıbergen.
"Adyrna" ulttyq portaly
