موڭعوليانىڭ ەكس-پرەزيدەنتى حالتماگين باتتۋلعا شەتەلگە قاشىپ كەتكەن. بۇل تۋرالى ەلدىڭ ەكونوميكا جانە دامۋ ءمينيسترى چيمەد حۋرەلبااتار ءوزىنىڭ Twitter پاراقشاسىندا راستادى، دەپ حابارلايدى “ادىرنا” ۇلتتىق پورتالى.
موڭعوليانىڭ كەيبىر اقپارات قۇرالدارىنىڭ حابارلاۋىنشا، ەكس-پرەزيدەنت ەلدەن 280 ملن اقش دوللارىن الىپ كەتكەن. ال كەيبىرى ونىڭ دەنساۋلىعىنا بايلانىستى وڭتۇستىك كورەياعا ەمدەلۋگە كەتكەنىن حابارلاپ جاتىر.
ايتا كەتەيىك، بۇعان دەيىن موڭعوليانىڭ سىبايلاس جەمقورلىققا قارسى كۇرەس كوميتەتى ەلدىڭ بۇرىنعى پرەزيدەنتىن كومىر ۇرلىعىنا قاتىسى بار دەپ مالىمدەگەن بولاتىن.
سونداي-اق، موڭعوليادا 6,8 ملن توننا كومىردىڭ ۇرلانعانى تۋرالى اقپاراتتان كەيىن حالىق جاپپاي نارازىلىققا شىققان ەدى. راستالماعان اقپاراتقا سايكەس، كومىردىڭ جالپى قۇنى – بىزدىڭ ۆاليۋتاعا شاققاندا 1,8 ملرد تەڭگە بولادى ەكەن.
