Mońǵolııanyń eks-prezıdenti Haltmagıın Battýlǵa shetelge qashyp ketken. Bul týraly eldiń Ekonomıka jáne damý mınıstri Chımed Hýrelbaatar óziniń Twitter paraqshasynda rastady, dep habarlaıdy “Adyrna” ulttyq portaly.
Mońǵolııanyń keıbir aqparat quraldarynyń habarlaýynsha, eks-prezıdent elden 280 mln AQSh dollaryn alyp ketken. Al keıbiri onyń densaýlyǵyna baılanysty Ońtústik Koreıaǵa emdelýge ketkenin habarlap jatyr.
Aıta keteıik, buǵan deıin Mońǵolııanyń Sybaılas jemqorlyqqa qarsy kúres komıteti eldiń burynǵy prezıdentin kómir urlyǵyna qatysy bar dep málimdegen bolatyn.
Sondaı-aq, Mońǵolııada 6,8 mln tonna kómirdiń urlanǵany týraly aqparattan keıin halyq jappaı narazylyqqa shyqqan edi. Rastalmaǵan aqparatqa sáıkes, kómirdiń jalpy quny – bizdiń valıýtaǵa shaqqanda 1,8 mlrd teńge bolady eken.
