قر توتەنشە جاعداي مينيسترلىگى قازاقستاندىق جۇرگىزۋشىلەرگە ەسكەرتپە جاسادى، دەپ جازادى "ادىرنا" پورتالى.
مينيسترلىك اۋلاداعى تۇراققا كولىك قويۋشىلاردىڭ نازارىنا بىرقاتار ماسەلەلەردى ءتىزدى. توتەنشە جاعداي ورىن العان جاعدايدا اۋلاعا ءورت سوندىرەتىن كولىكتىڭ كىرە المايتىندىعىن العا تارتىپ، كولىك جۇرگىزۋشىلەرىنە تۇراققا كولىك قويار الدىندا ەرەجەنى ەسكەرۋدى جەتكىزدى.
"كوپقاباتتى ۇيلەردىڭ اۋلاسىنا قويىلعان كولىكتەر ءورت ءسوندىرۋ تەحنيكاسىنا ۇلكەن كەدەرگى بولىپ تابىلادى. ويتكەنى، ءورت ورنىنا جەتۋ قيىن، كەيدە ءتىپتى مۇمكىن ەمەس. اۆتوكولىكتەردى كەز-كەلگەن بوس جەرگە قوياتىن جۇرگىزۋشىلەر كىنالى. جەكە كولىكتەردى ءورت گيدرانتتارى ۇڭعىمالارىنىڭ قاقپاقتارىندا، اۋلانىڭ وتپە جولدارىندا قالدىرۋعا تىيىم سالىنادى. كولىكتى تۇراققا قويعاندا، باسقا كولىكتەردىڭ وتۋىنە كەدەرگى جاسامايتىنىڭىزعا جانە كىرە بەرىس جولدى بوگەمەيتىنىنە كوز جەتكىزىڭىز" دەلىنگەن حابارلامادا.
