«Chelovek goda Evrazıı» uıymdastyrý komıtetiniń sheshimimen Asqar Zabıkýlın «Jyl adamy» baıqaýynda «Altyn adam» premııasynyń laýreaty atandy, dep habarlaıdy “Adyrna” ulttyq portaly Azattyq Ruhysaıtyna silteme jasap.
Eske salaıyq, osy jyldyń 16 qarashasynda Astanada Momyshuly dańǵylyndaǵy 15 qabatty úıde órt shyǵyp, bes adam qutqarylǵan bolatyn. Sol kezde órt sóndirýshilerdiń biri Asqar Zabıkýlın ómirin qaterge tige otyryp, turǵyndardy qutqaryp qalǵanymen, ózi qatty kúıik alyp, 20 qarashada aýrýhanada kóz jumdy. Onyń artynda áıeli men eki balasy qaldy.
Asqar Zabıkýlınniń otbasyna 3 bólmeli páter, balalaryna bolashaqta oqý oryndaryna grant bólinip, barlyq nesıesi jabylǵan bolatyn.
Asqar Zabıkýlın aýrýhanada jatqanda Prezıdenttiń jarlyǵymen, I dárejeli «Aıbyn» ordenimen nagradtalǵan edi. Alaıda, kóp uzamaı denesiniń 80 paıyzyn kúıik shalǵan órt sóndirýshi kóz jumdy.
Keıin belgili bolǵandaı, QR TJM málimetinshe órttiń shyǵýyna elektr symdarynyń qysqa tuıyqtalýyna ákep soqtyrǵan uzartqysh jelisindegi aqaý sebep bolǵan.
