ءازىل ارقىلى اتىن شىعارىپ، الەۋمەتتىك جەلىدە بەلسەندىلىك كورسەتىپ جۇرگەن بلوگەر، ۆاينەر حاكيم مۋكارام قازاق ەلىندە قازاق ءتىلىنىڭ قولدانىلۋىن تالاپ كەتكەندەردى كەلەكە ەتىپ، كوپشىلىكتىڭ ىزالاندىردى. بلوگەر ءوز پاراقشاسىندا تۇرمىستىق زورلىق-زومبىلىق ماسەلەنى مەن ءتىل ماسەلەسىن قاتار كوتەرىپ، الايدا ورىنسىز، ءجونسىز ازىلگە بارادى. بۇعان كوپشىلىك قاۋىم نارازىلىق تۋدىردى. بۇل تۋراسىندا "ادىرنا" ۇلتتىق پورتالى حابارلادى.
بلوگەر كەشە پاراقشاسىنا ءازىل جۇكتەدى. ازىلدە جانجالداسىپ قالعان جۇپتىڭ اراسىنا تۇسكەن ازامات ولاردىڭ قازاقشا سويلەۋىن تالاپ ەتكەن بولادى. اۆتوردىڭ بۇل قوراش ازىلىمەن نەنى جەتكىزگىسى كەلگەنى تۇسىنىكسىز.
"Tengeinews" بۇل جايلى: "ۆيدەوداعى سيۋجەت بويىنشا، ەر ادام سۇيىكتىسىمەن سوزگە كەلىسە الماي قالادى. ەر ادام سۇيىكتىسىن ۇرىپ جىبەرەدى. ولار ورىس تىلىندە ۇرسىسىپ جاتادى. مۇنى كورىپ تۇرعان حاكيم سۇيىكتىسىنە قول كوتەرگەن ەر ادامعا “قازاقشا سويلەسەڭدەرشى” دەپ ۇرسىپ جىبەرەدى", - دەپ جازدى.
⠀
بلوگەردىڭ وقىرماندارى ەكى ماسەلەنى ءبىر ۆيدەودا ءازىل ارقىلى جەتكىزگەنىن سىناپ جاتقاندار كوپ.
“جاي عانا ءازىل عوي دەپ ءوتىپ كەتىپ قايتىپ كەلدىم. ءتىل تۋرالى ماسەلەنىڭ بار ەكەنى راس، ونى كوتەرىپ جۇرگەننىڭ ءبارى اقىماق ەمەس. “سالەم، قالايسىڭ؟” دەسە ريزا بولاتىن مۇشكىل دارەجەدەمىز، ءتىل ۇيرەنگىسى كەلەتىن كەز كەلگەن جانعا قۇشاق اشىپ ەلپىلدەيتىن ۇلتپىز! پىكىرلەردى وقىسام ءتىل ۇيرەنۋگە قۇلقى جوق، مۇلدە قارسى جانداردىڭ الدىنا جىعىپ بەرگەندەيسىڭ، ءوز پىكىرىم!”;
⠀
“باسقا پروبلەما بار دەپ قازاقشا سويلەمەي جۇرە بەرۋىمىز كەرەك پە؟ بارلىق پروبلەما ماڭىزدى… ءبارىن دە شەشۋ كەرەك. ءتىل ەل بولۋ ءۇشىن، ۇلت بولىپ قالۋ ءۇشىن ماڭىزدى”;
⠀
“قاتە، ۇلكەن قاتە، ءتىلدىڭ ماڭىزدىلىعى ءدال قازىر جوعارى، جانە ەكى ماڭىزدى ماسەلەنى ارالاستىرىپ ونى ورىنسىز كۇلكىگە اينالدىرۋ دۇرىس ەمەس”;
⠀
“شالا قازاقتارعا ءتىل ۇيرەنبەۋگە +1 موتيۆاتسيا. حاكيمنەن كوڭىلىم قالدى”;
⠀
“قازاق تىلدىلەردىڭ قۇقىعىن بۇلاي كۇلكى ەتۋ دۇرىس ەمەس! قازاق ءتىلىن تالاپ ەتۋدى مازاقتاۋىڭىز ۆيدەوداعى قول جۇمساۋمەن بىردەي نارسە!”، - دەپ جازدى ۆاينەردىڭ وقىرماندارى.
"ادىرنا" ۇلتتىق پورتالى
