قازاق حالقىنىڭ ەجەلگى سالت-ءداستۇرى بويىنشا ەلىمىزدىڭ باتىس وڭىرلەرىندە ناۋرىز مەيرامىن اتاپ ءوتۋ – 14 ناۋرىز كءورىسۋ كۇنى مەرەكەسىمەن باستالادى.
وسى ورايدا باتىس قازاقستان وبلىسىنىڭ اكىمى ناريمان تورەعاليەۆ كورىسۋ كۇنىن ءوڭىردىڭ بىرقاتار وتباسىلارىن قۇتتىقتاۋمەن باستادى.
ەڭ الدىمەن بقو اكىمى ناريمان تورەعاليەۆ جانە وڭىرگە ءىس-ساپارمەن كەلگەن قر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆامەن بىرگە تىل جانە ەڭبەك ارداگەرى، «التىن القا» يەگەرى ءجاميلا كەنجەعاليەۆانىڭ شاڭىراعىنا بارىپ، مەيراممەن قۇتتىقتادى. كءوپبالالى انا ءجاميلا كەنجەعاليەۆا 99 جاسقا كەلگەن. 8 بالا تاربيەلەپ، قازىرگى ۋاقىتتا 28 نەمەرە، 70 شوبەرە، 8 نەمەنە ءسۇيىپ وتىر.
«ۇلكەنگە - قۇرمەت، كىشىگە - ىزەت» - دەيدى دانا حالقىمىز. كورىسۋ كۇنى سىزگە ارنايى كەلىپ وتىرمىز. دەنىڭىزگە ساۋلىق، وتباسىڭىزعا بەرەكە، بالا-شاعاڭىزعا اماندىق تىلەيمىن»- دەدى ءوڭىر باسشىسى.
وبلىس اكىمى بۇدان سوڭ، كورىسۋ كۇنىمەن اقجايىق ءوڭىرىنىڭ ونەگەلى وتباسىلارىنىڭ ءبىرى – بيعاليەۆتەر اۋلەتىن قۇتتىقتادى. ولار باتىس قازاقستان وڭىرىنە 38 جىل بۇرىن قۇرىلعان «بيعاليەۆتەر» وتباسىلىقءانسامبلىمەن تانىمال. قازىرگى ۋاقىتتا اكە جولىن بالالارى جالعاپ، ءوڭىردىڭ مادەنيەت سالاسىنىڭ دامۋىنا ءوز ۇلەستەرىن قوسىپ كەلەدى.
بۇدان سوڭ، ناريمان تورەعاليەۆ ورال قالاسىندا ناۋرىز مەرەكەسىنە وراي ءوتىپ جاتقان ءىس-شارالارعا قاتىسىپ، وبلىس تۇرعىندارىن ناۋرىز مەرەكەسىنىڭ باستالۋىمەن قۇتتىقتادى.
«مەملەكەت باسشىسىنىڭ باستاماسىمەن بيىل ەلىمىزدە ناۋرىز مەرەكەسى جاڭا فورماتتا تويلانادى. ەلىمىزدىڭ ءار وڭىرىندە 14-23 ناۋرىز ارالىعىندا ءداستۇرىمىزدىڭ قۇندىلىقتارىن دارىپتەۋگە باعىتتالعان ناۋرىزناما ونكۇندىگى وتەدى. ونىڭ اياسىندا تانىمدىق نەگىزدەگى ءتۇرلى ءىس-شارالار ۇيىمداستىرىلادى. بارشاڭىزدى شۋاقتى كوكتەمنىڭ العاشقى كۇندەرىمەن كەلىپ جەتكەن – كورىسۋ مەرەكەسىمەن شىن جۇرەكتەن قۇتتىقتايمىن!»- دەدى ءوڭىر باسشىسى.
باتىس قازاقستان وبلىسىندا كورىسۋ كۇنى مەيرامى كەڭ كولەمدە اتالىپ ءوتىلدى.
