انتيكورعا جۇمىسقا تۇرعىزىپ بەرەم دەپ ەلدى الداعان الاياق ۇستالدى

2630
Adyrna.kz Telegram

قىزىلوردادا انتيكوردىڭ جالعان قىزمەتكەرى ۇستالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى حابارلادى، دەپ جازادى "ادىرنا" ۇلتتىق پورتالى.

"بيىلعى جىلدىڭ 13 جەلتوقسانىندا سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى اگەنتتىكتىڭ وزىندىك قاۋىپسىزدىك دەپارتامەنتىمەن بىرلەسىپ 1988 جىلى تۋعان ءوزىن «انتيكوردىڭ قىزىلوردا وبلىسى بويىنشا وزىندىك قاۋىپسىزدىك قىزمەتكەرى» رەتىندە كورسەتە وتىرىپ، سىبايلاس جەمقورلىققا قارسى قىزمەتكە جۇمىسقا ورنالاستىرۋ سىلتاۋىمەن قالا تۇرعىنىن الداۋ جانە ونىڭ سەنىمىن تەرىس پايدالانۋ ارقىلى 500 000 تەڭگە سوماسىنداعى اقشالاي قاراجاتىن يەمدەنگەن «ج» ازاماتىن اشكەرەلەدى", - دەلىنگەن حابارلامادا.

تەرگەۋ مۇددەسىنە وراي وزگە اقپارات جاريا ەتۋگە جاتپايدى.

"ادىرنا" ۇلتتىق پورتالى

 

پىكىرلەر