YouTube ار-نامىسقا ءتيىپ، پىكىر جازاتىنداردى جازالايدى. جاڭا ەرەجە 14 جەلتوقساننان باستاپ ءوز كۇشىنە ەندى، دەپ جازادى "ادىرنا" ۇلتتىق پورتالى.
Inbusiness.kz حابارلاۋىنشا، Google كومپانياسى ار-نامىسقا تيەتىن حابارلاما اۆتورلارىن پلاتفورما جازالاۋى ءۇشىن YouTube-تەگى پىكىر قالدىرۋ ەرەجەلەرىن جاڭارتتى. بۇل رەتتە كومپانيا ەسكەرتۋشى جانە بۇعاتتاۋشى جۇيەنى جاساپ شىقتى.
Gizmodo باسىلىمىنىڭ مالىمەتىنشە، ەگەر پايدالانۋشىنىڭ حابارلاماسى ۆيدەوحوستينگ قاۋىمداستىعىنىڭ پرينتسيپتەرىنە سايكەس كەلمەسە، YouTube الدىمەن ەسكەرتۋ جاسايدى، سودان كەيىن وسى پىكىردىڭ اۆتورىن 24 ساعاتقا بۇعاتتايدى. بۇل جۇيە تەك اعىلشىن تىلىندە قالدىرىلعان پىكىرلەرگە قاتىستى العاش رەت قولدانىلىپ وتىرعاندىعى ناقتىلانعان.
ء"بىز بارشانى پىكىرلەرى ارقىلى قاۋىمداستىققا تەرىس ىقپال ەتۋگە تىرىساتىن پايدالانۋشىلاردان قورعاعىمىز كەلەدى", - دەلىنگەن YouTube مالىمدەمەسىندە.
سونىمەن قاتار، حوستينگ اربيتراج جۇيەسىن ەنگىزەدى، ونىڭ كومەگىمەن بۇعاتتالعان اۆتورلار مودەراتورلاردىڭ شەشىمىنە قارسى داۋ ايتا الادى.
"ادىرنا" ۇلتتىق پورتالى
