10 ناۋرىزدا الماتىدا پارلامەنت ءماجىلىسى دەپۋتاتتىعىنا كانديدات، قازاقستان حالىق پارتياسىنىڭ توراعاسى ەرمۇحامەت ەرتىسباەۆتىڭ قاتىسۋىمەن سايلاۋالدى بەيبىت ۇگىت-ناسيحات ءىس-شاراسى ءوتتى، دەپ حابارلايدى “ادىرنا” ۇلتتىق پورتالى.
“الماتى – تاۋەلسىزدىگىمىزدىڭ تالبەسىگى. شاھار ىسكەرلىك پەن مادەني ءومىردىڭ ورتالىعى رەتىندە ەلىمىزدىڭ دامۋىنا ەرەكشە ۇلەس قوسىپ كەلەدى. الماتىدا حالىقتىڭ بەلسەندىلىگى جوعارى بولعاندىقتان ءبىزدىڭ سايلاۋالدى باعدارلامامىزداعى وزگەرىستەر مەن رەفورمالاردىڭ نەگىزگى تىرەگى دە وسى شاھاردىڭ تۇرعىندارى”، – دەدى پارتيا توراعاسى.
ول سونداي-اق قالا حالقىنىڭ ناقتى تابىسىنىڭ ءوسۋى تۋرالى قحپ باعدارلاماسىنىڭ نەگىزگى بولىگىندە باسا نازار اۋدارىلىپ وتىرعانىن جەتكىزدى. شاعىن جانە ورتا بيزنەس سالاسى تۇرعىنداردى جۇمىسپەن قامتۋدىڭ 65 پايىزدان استامىن قامتىپ وتىر. وسى رەتتە توراعا جۇمىسشىلاردىڭ ەڭبەگى باعالانىپ، ءادىل جالاقى الۋى ماڭىزدى ەكەنىنە نازار اۋداردى.
سونىمەن قاتار ە.ەرتىسباەۆ الماتىلىقتاردى قاتتى الاڭداتىپ وتىرعان ەكولوگيا ماسەلەسىنە كەڭىنەن توقتالدى.
