Fransuzdyq «Dualest» kompaniiasy «Moonbikes» kompaniiasymen bırlese otyryp, «Şymbūlaq» tau şaŋǧysy kurortynda qarda jüretın älemdegı tūŋǧyş elektrlı «Moonbikes» kölıgınıŋ tūsaukeserın ötkızdı, dep habarlaidy “Adyrna” ūlttyq portaly.
Dualest France özınıŋ ıskerlık keŋıstıgın keŋeitıp, qazır Ortalyq Aziia men Kavkaz naryǧyna şyǧu üşın Qazaqstandy bastapqy nükte retınde taŋdap otyr.
Aita keteiık, «Moonbikes» elektrlı qarda jüretın kölıkter Qazaqstandaǧy qysqy turizmdı damytudyŋ zamanaui şeşımıne ainalmaq. Būl önım el tūrǧyndary men qonaqtardyŋ aşyq auada seruendeuge degen qyzyǧuşylyǧyn arttyrady, sonymen qatar ışkı turizmdı damytuǧa yqpal etedı.
Moonbikes elektrlı qarda jüretın kölıkterınıŋ qabıletterı men küşı qysqy sport mamandaryn da taŋ qaldyrdy. Qarda jüretın kölıkterdıŋ ülken artyqşylyqtary bar. Olar: qorşaǧan ortaǧa ziiany joq, artyq şu şyǧarmaidy jäne ärtürlı jyldamdyq rejimderı bar.
Dualest kompaniiasynyŋ negızın qalauşy - Guillaume Dubuis aimaqtyq direktory Saşa Ortner Giiommen bırge arnaiy tūsaukeserge Fransiiadan kelıp, barlyq qatysuşylar üşın test-draiv ötkızdı.
Sondai-aq, tūsaukeserge Almaty qalasy äkımdıgınıŋ ökılderı, Qyrǧyzstan, Özbekstan, Qazaqstan jäne Fransiianyŋ käsıpkerlerı qatysty. Ärbır qonaq elektrlı qarda jüretın kölıkterdı jeke synap köru jäne jarqyn emosiialardy sezınu mümkındıgıne ie boldy.
Tūsaukeser Fransiia Bas konsuldyǧynyŋ qoldauymen ūiymdastyryldy.
