تامىز ايىنىڭ سوڭىندا باتىس قازاقستان وبلىسىنىڭ اكىمىنىڭ وكىمىمەن قوعامدىق دامۋ باسقارماسىنا گۇلجانار شوكەەۆا باسشى بولىپ تاعايىندالعان ەدى. وبلىستىڭ يدەولوگيالىق جۇمىستارىن جۇيەلى جۇرگىزۋ ءۇشىن قىزمەتكە كەلگەن سول سۋ جاڭا باسشى جۇمىسىن وزىنە كرەسلو ساتىپ الۋدان باستادى، — دەپ حابارلايدى ادىرنا ۇلتتىق پورتالى gaszakup.qov.kz پورتالىنا سىلتەمە جاساپ.
باتىس قازاقستان وبلىسى قوعامدىق دامۋ باسقارماسى 11 قىركۇيەك كۇنى جاڭا باسشىعا ارنالعان جاڭا كرەسلو ساتىپ الۋ ءۇشىن تەندەر جاريالاعان. گۇلجانار بولاتقىزى بۇرىنعى باسشىنىڭ تاعىن قومسىندى ما، ايتەۋىر وزىنە ارنالعان كرەسلوعا مەملەكەت بيۋدجەتىنەن 200 000 تەڭگە بولگىزىپتى.
تەندەر جەڭىمپازى 19 قىركۇيەكتە انىقتالادى.
گۇلجانار بولاتقىزى 1967 جىلى باتىس قازاقستان وبلىسى جانىبەك اۋدانى تالوۆ اۋىلىندا دۇنيەگە كەلگەن. ءبىلىمى – جوعارى.
الماتى قالاسىنىڭ جانە اقمولا وبلىسىنىڭ ىشكى ساياسات، مادەنيەت مينيسترلىگىنىڭ قوعامدىق جۇمىس دەپارتامەنتى، قازاقستان حالقى اسسامبلەياسى، پرەزيدەنت جانىنداعى مەملەكەتتىك باسقارۋ اكادەمياسى (بقو بويىنشا فيليالى), سونداي-اق «قازاقستاننىڭ ازاماتتىق اليانسى» زاڭدى تۇلعالار بىرلەستىگى سەكىلدى اتى دارداي مەملەكەتتىك مەكەمەلەردە قىزمەت اتقارعان.
وسىنداي تاجىريبەلى مامان جۇمىستىڭ ء"بىسسىمىللاسىن" جاڭا كرەسلو الۋدان باستاعانى قالاي؟
بۇل سۇراق گۇلجانار شوكەەۆانىڭ وزىنە دە جولداندى. رەسمي حاتقا جاۋاپ كەلىپ جاتسا، قوسىمشا جاريالانادى.
قانات بىرلىكۇلى
"ادىرنا" ۇلتتىق پورتالى
