Taraz qalasynda temirjolshylar bas kóterdi. Anyǵyn aıtqanda, "Qamqor Lokomotıv" kompanııasynyń qyzmetkerleri jalaqyny kóterýdi talap etip, ereýilge shyqty. Olar bar bolǵany 70 myń men 120 myń teńgege aralyǵyndaǵy jalaqyǵa kún kórip otyr. Turmystyń taby qysqan temirjolshylardyń aıtar ýáji kóp. Bul jaıynda "Adyrna"ulttyq portaly "Qaz365.kz"-ke silteme kórsete otyryp habarlaıdy.
Qazaqstandaǵy eń iri "Qamqor Lokomotıv" qural-jabdyqtar jóndeý kásipornynyń 200-ge jýyq qyzmetkeri búgin tańerteń ereýilge shyqty. Olardyń alyp otyrǵan jalaqylary múlde mardymsyz. Basshylyqtan eńbek ótiýin eskerip, jalaqyny kóterýdi talap etti. Qyzmetkerler qoıǵan talaptardy oryndalmaıynsha jumysqa shyqpaıtynyn jetkizdi. Olardyń aıtýynsha, qazirgi jalaqy bar bolǵany 70 myńnan 120 myń teńgege deıingi aralyqta.
«Jigitter! «Qamqor lokomatıv» tek qana bizdiń Tarazda ǵana emes, onyń fılaldary búkil Qazaqstada bar. Osynda jumys istegen jigitter brıgada quryp, qazir Petropavlda jumys istep júr. Baryp kelý bıleti men jatatyn orny jáne tamaǵyn DEPO tóleıdi. Sondaı-aq olardyń jalaqylary 350-400 myń teńge aralyǵynda. Bizdiń solardan qaı jerimiz kem, jigitter! Bizdiń aıtyp otyrǵanymyz jalaqyny kóterý. Máselen men 5 razrıadty slesar retinde aıyna 380 my emes, 350 myń teńge alaıynshy men myna jerde qonyp turyp jumys isteımin. Eki apta buryn Shýǵa barǵanda jumysshylardan «aılyqtaryń qansha?» dep suradym. Úshinshi razrıadtyń balasy «Aılyǵym 330 myń teńge», al 5 razrıadtyń balasy «380-400 myń teńge» dep jaýap berdi», - dedi jıynda sóz sóılegen azamat.
Sonymen qatar, jumysshylar kásiporyn ishinde jumys aqysyn birneshe ese arttyrýdy surap, óz oılaryn ortaǵa saldy. Ereýilshilerdiń aıtýynsha, jumysshylardyń jalaqysy basqa kásiporyndar men fılıaldardaǵy áriptesterimen salystyrýǵa kelmeıdi. Sondaı-aq, olar ózderi jumys isteý úshin keıbir tehnıkany satyp alatyn kórinedi.
Ázirge jumysshylar qoıǵan talapqa ekinshi taraptan qandaı da bir jaýap joq.
''Adyrna" ulttyq portaly
