Semeıdegi Energetık yqshamaýdanynda turǵyndar jylý máselesine shaǵymdandy, dep jazady "Adyrna" ulttyq portaly.
Qala ákimshiliginiń habarlaýynsha, bul jaǵdaı arnaıy júıeniń isten shyǵýyna baılanysty bolǵan.
"Búgin, 10 jeltoqsanda saǵat 4:00-de №5 mektep-ınternatynyń jylý kózinde QKSh (qoj ben kúl shyǵarý) júıesi isten shyǵyp, jylýmen jabdyqtaý parametrleri tómendedi. "Teplokommýnenergo" MKK-nyń 12 qyzmetkeri jaǵdaıdy qalypqa keltirý úshin jumys istep jatyr, jylý múmkindiginshe tez qalpyna keltiriledi", - delingen resmı habarlamada.
Oblystyq ákimdik ókilderiniń málimetinshe, bul júıeniń isten shyǵýyna baılanysty tórt qazandyq qondyrǵysynyń jumysynda aqaý baıqaldy.
"QKSh júıesiniń buzylýy 1,2,3,4 qazandyq agregattarynyń jumysynyń buzylýyna jáne salqyndatqysh suıyqtyqtyń temperatýralyq parametrleriniń tómendeýine ákeldi. Tikeleı qubyrdyń temperatýrasy 75 gradýstan 50 gradýsqa deıin tómendedi. Temperatýra rejımin saqtaý úshin saǵat 06:00-de 3 qazandyq blogy iske qosyldy, keıin júıe tazalandy", - dep habarlady Abaı aýdany ákimdiginiń baspasóz qyzmeti.
"Teplokommýnenergo" MKQK qyzmetkerleri jylý kóziniń aqaýyn joıý jáne qalypty rejımde jumysyn qalpyna keltirý boıynsha qajet sharalardy istep jatyr.
"Adyrna" ulttyq portaly
