Mádenıet salasy qyzmetkerleriniń jalaqysy 2025 jylǵa deıin 100 paıyzǵa ósedi. Bul týraly QR Mádenıet jáne sport mınıstri Dáýren Abaev málimdedi, dep jazady "Adyrna" ulttyq portaly.
24.kz habarlaýynsha, Jambyl oblysy turǵyndarymen kezdesýde Dáýren Abaev qatysýshylardyń barlyq saýaldaryna jaýap berdi. Máseleli dep qoıylǵan alǵashqy suraq – jalaqyǵa baılanysty boldy. Sebebi sala qyzmetkerleri aılyqty kóterý boıynsha usynys bildirgen bolatyn. Endi mine mınıstrmen kezdesýde naqty jaýap aldy.
"Jalaqy kóterilip jatyr 2021 jyldan bastap. 25 jylǵa deıin 100 paıyzǵa deıin 20\20 paıyzǵa kóterilip, 100 paıyzǵa deıin jetedi. Eki ese jalaqylary kóbeıedi. Biraq ta biz ınflıaııa máselesin de túsinemiz. Memleket jalaqyny kóterýge yntasy joǵary. Biraq ta bul ekonomıka naryqtyń kirisi bar shyǵasy bar bárin esepteý kerek", - dedi Dáýren Abaev.
Jıynda jas mamandardy ýaqytsha baspanamen qamtý, mádenıet salsyndaǵy tehnıkalyq qyzmetkerlerdiń aılyǵyn arttyrý máselesi kóterildi. Mınıstr munyń bárin qarastyryp, úkimetke usynys jasaıtynyn jetkizdi. Aımaqta bıyl Art sportyn qarjylandyrýdan qıyndyqtar týyndaǵan edi. Jaýapty vedomstvo basshysy keler jyly másele bolmaıdy dep sendirdi. Sebebi bul baǵytqa 2 mlrd teńge bólingen. Sharada sportshylarǵa ómir boıy beriletin tólemaqy jaıy da kóterildi. Kezdesý barysynda «Ejelgi Taraz» murajaıy da sóz boldy. Mınıstr jergilikti bılikpen birigip, ǵımaratty mınıstrliktiń balansyna alý jaıyn qarastyratynyn málimdedi.
"Adyrna" ulttyq portaly
