استانا قالاسىنىڭ قورشاعان ورتانى قورعاۋ باسقارماسىنىڭ باسشىسى جەمقورلىق قىلمىسىنا باردى دەگەن كۇدىككە ءىلىنىپ، سوت ءۇردىسى باستالدى، دەپ حابارلايدى "ادىرنا" ۇلتتىق پورتالى سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
«سىبايلاس جەمقورلىققا قارسى قىزمەت «استانا قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسى» مم باسشىسىنا قاتىستى تەرگەۋدى اياقتادى. ول لاۋازىمدىق وكىلەتتىكتەرىن اسىرا پايدالانا وتىرىپ، كاسىپكەرلىك سۋبەكتىسىنە 4,7 ملن تەڭگە كولەمىندە زالال كەلتىرگەن دەگەن كۇدىككە ءىلىندى.
قازىرگى ۋاقىتتا ايىپتالۋشى سوتقا تارتىلدى.
تەرگەۋ بارىسىنداعى اقپاراتتار جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، - دەلىنگەن مالىمەتتە.
"ادىرنا" ۇلتتىق پورتالى
