قوعامدىق دامۋ مينيسترلىگى قوعامدىق كەلىسىم كوميتەتىنىڭ باسشىسى 1,9 ميلليون تەڭگە پارامەن ۇستالدى. بۇل تۋرالى استاناداعى بريفينگتە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جۇرتشىلىقپەن بايلانىس دەپارتامەنتىنىڭ ديرەكتورى ارمان بەردالين ايتتى.
"سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ استانا قالاسىنداعى دەپارتامەنتى قازاقستان رەسپۋبليكاسى قوعامدىق دامۋ مينيسترلىگى قوعامدىق كەلىسىم كوميتەتىنىڭ توراعاسىن ۇستادى، ول كوميتەتتىنىڭ ەكونوميكا جانە قارجى باسقارماسى باسشىسىنىڭ كومەگىمەن ۆەدومستۆولىق باعىنىشتى ۇيىمعا قولداۋ كورسەتىپ، قوسىمشا قارجى ءبولۋ ءۇشىن 1,9 ميلليون تەڭگە كولەمىندە پارا العان. كوميتەت توراعاسى كىناسىن مويىندادى", — دەدى بەردالين.
ونىڭ ايتۋىنشا، كۇدىكتى ۇيقاماقتا وتىر، وعان جانە ەكونوميكا جانە قارجى باسقارماسى باسشىسىنا قاتىستى سوتقا دەيىنگى تەرگەۋ جۇرگىزىلىپ جاتىر.
"ادىرنا" ۇلتتىق پورتالى
