Qoǵamdyq damý mınıstrligi qoǵamdyq kelisim komıtetiniń basshysy 1,9 mıllıon teńge paramen ustaldy. Bul týraly Astanadaǵy brıfıngte Memlekettik qyzmet isteri jáne sybaılas jemqorlyqqa qarsy is-qımyl agenttigi jurtshylyqpen baılanys departamentiniń dırektory Arman Berdalın aıtty.
"Sybaılas jemqorlyqqa qarsy is-qımyl ulttyq bıýrosynyń Astana qalasyndaǵy departamenti Qazaqstan Respýblıkasy qoǵamdyq damý mınıstrligi qoǵamdyq kelisim komıtetiniń tóraǵasyn ustady, ol komıtettiniń ekonomıka jáne qarjy basqarmasy basshysynyń kómegimen vedomstvolyq baǵynyshty uıymǵa qoldaý kórsetip, qosymsha qarjy bólý úshin 1,9 mıllıon teńge kóleminde para alǵan. Komıtet tóraǵasy kinásin moıyndady", — dedi Berdalın.
Onyń aıtýynsha, kúdikti úıqamaqta otyr, oǵan jáne ekonomıka jáne qarjy basqarmasy basshysyna qatysty sotqa deıingi tergeý júrgizilip jatyr.
"Adyrna" ulttyq portaly
