ساۋد ارابياسىنىڭ ىشكى ىستەر مينيسترلىگى مەككەدەگى ءال-حارام مەشىتىنىڭ جوعارعى قاباتىنان ەر ادامنىڭ قۇلاعانى جونىندە رەسمي مالىمدەمە جاسادى، دەپ حابارلايدى "ادىرنا" ۇلتتىق پورتالى.
بۇل تۋرالى Khaleej Times حابارلادى.
مەشىتتىڭ قاۋىپسىزدىك قىزمەتىنىڭ مالىمەتىنشە، ەر ادام ءوز-وزىنە قول جۇمساماق بولىپ، عيماراتتىڭ جوعارى بولىگىنەن سەكىرگەن. وقيعا كەزىندە جاقىن ماڭدا بولعان قاۋىپسىزدىك قىزمەتكەرى ونى توقتاتۋعا تىرىسقانىمەن، سالدارىنان ءوزى دە جاراقات العان.
قازىرگى تاڭدا ەكى ادام دا اۋرۋحاناعا جاتقىزىلىپ، قاجەتتى مەديتسينالىق كومەك كورسەتىلىپ جاتىر.
ۆەدومستۆو وكىلدەرى اتالعان جاعدايعا قاتىستى بارلىق قۇقىقتىق جانە رەسمي تەكسەرۋ جۇمىستارى اياقتالعانىن حابارلادى.
وقيعاعا بايلانىستى پىكىر بىلدىرگەن ءال-حارام مەشىتىنىڭ باس يمامى ابدۋرراحمان اس-سۋدايس قاجىلاردى قاسيەتتى مەكەننىڭ ءتارتىبىن قاتاڭ ساقتاۋعا شاقىردى. ول مەشىتكە كەلگەن ءاربىر ادامنىڭ يسلام ادەبىن ۇستانىپ، ءوزىن تەك قۇلشىلىق پەن دۇعاعا ارناۋى قاجەت ەكەنىن اتاپ ءوتتى.
سونداي-اق باس يمام يسلام شاريعاتىنىڭ نەگىزگى ماقساتتارىنىڭ ءبىرى – ادام ءومىرىن قورعاۋ ەكەنىن ەسكە سالدى.
