"دەپۋتاتتارى - قاراقشى". قانداسىمىز موڭعولياداعى جاعدايدىڭ جاي-جاپسارىن اشىپ بەردى

3788
Adyrna.kz Telegram
كەشە موڭعولستان استاناسى ۇلان-باتىردا تۇرعىندار شەرۋگە شىعىپ، ۇكىمەت ۇيىنە باسا-كوكتەپ كىردى. بولعان وقيعاعا قاتىستى ءتۇرلى جورامالدار ايتىلىپ جاتىر. موڭعول تىلىنە جەتىك ءارى ول جاقتاعى ساياسي ۇردىستەردەن حابارى بار ازامات نۇربول قاناعاتۇلى بولعان جايتتىڭ جاي-جاپسارىنان ءسوز ەتتى. ناقتى دەرەكتەر تۋراسىندا "ادىرنا" ۇلتتىق پورتالى باياندايدى. 
اۆتوردىڭ اڭداۋىنشا، ەلدەگى ەرەۋىلگە كومىر ۇرلىعى مەن "مەسقارىن دەپۋتاتتاردىڭ" جەمقورلىعى مۇرىندىق بولعان.
- "موڭعولياداعى ەرەۋىل نە بولىپ جاتىر؟" - دەپ كەي باق وكىلدەرى سۇراپ جاتىر. ءالى ولىڭكىرەمەگەن موڭعولشاممەن ول جاقتى ءبىر شولىپ شىقتىم. قىتايدىڭ سىرتقى ىستەر مينيسترلىگى كومىر ۇرلىعى بويىنشا تەكسەرىس جۇرگىزۋ ءۇشىن موڭعول ۇكىمەتىنە كومەكتەسۋگە دايىن ەكەنىن مالىمدەدى. كەي مالىمەتتەر بويىنشا كومىر ۇرلىعىنا ول جاقتاعى پارلامەنت دەپۋتاتتارىنىڭ تەڭ جارتىسىنان استامىنىڭ قاتىسى بار دەسەدى. موڭعوليا باس پروكۋرورى بىرنەشە دەپۋتاتتار ۇستىنەن قىلمىستىق ءىس قوزعاۋ ماسەلەسىن قاراۋدا. ال ەل پرەزيدەنتى ۇكىمەت پەن پارلامەنتتى تاراتۋ جونىندە ۇسىنىس جاسادى.
قازىرگە بيلىكتەگى باستى ەكى پارتيا بۇنى تالقىلاۋدا. پارلامەنت توراعاسى ۇرلىق بويىنشا ارنايى كوميسسيا قۇرسا، پرەمەر-مينيسترىلەر كابينەتى ناقتى ءبىر شەشىم، نەمەسە تىعىرىقتان شىعاتىن ۇسىنىستارىن جەتكىزبەدى. جالپى، كومىر ۇرلىعىمەن باستالعان ماسەلەنىڭ ارتى باسقا دا الەۋمەتتىك جاعدايلار مەن ەلدەگى كەن، پايدالى قازبالاردىڭ جاعدايىن قايتا قاراۋعا الىپ كەلدى، - دەپ جازدى قانداسىمىز.
"ادىرنا" ۇلتتىق پورتالى
پىكىرلەر