قازىرگى ۋاقىتتا شىمكەنت قالاسىندا 78 تۇراقتى قالالىق مارشرۋت قىزمەت كورسەتەدى، كۇندەلىكتى مارشرۋتتارعا 876 اۆتوبۋس شىعادى (جالپى اۆتوبۋستاردىڭ سانى رەزەرۆپەن قوسا 1000 اۆتوبۋستى قۇرايدى). جەكە مەنشىك نىسانىنداعى 10 كومپانيا جولاۋشىلاردى تاسىمالداۋ قىزمەتىن كورسەتۋدە.
وزدەرىڭىزگە ءمالىم، 2021 جىلى شىمكەنت قالاسىنداعى قوعامدىق كولىكتەردە ونلاين رەجيمىندە قوعامدىق كولىك قوزعالىسى تۋرالى حالىقتىڭ حاباردارلىعىن ارتتىرۋعا مۇمكىندىك بەرەتىن "I-Kolik" ءموبيلدى قوسىمشاسى ىسكە قوسىلعان. قازىرگى تاڭدا، موبيلدىك قوسىمشانى پايدالانۋشىلار سانى 200 مىڭعا جۋىق. ايتا كەتەيىك، I-kolik ءموبيلدى قوسىمشاسىمەن 100 پايىز قوعامدىق كولىك قامتىلعان.
سونىمەن قاتار، جىلجىمالى قۇرامدى جاڭارتۋ ماقساتىندا، 2020 جىلى گاز مەتانمەن جۇرەتىن 590 جاڭا اۆتوبۋس ساتىپ الىندى. قازىرگى ۋاقىتتا بارلىق اۆتوبۋستار قالالىق تۇراقتى مارشرۋتتارعا تارتىلىپ، كۇندەلىكتى تۇرعىنداردى تاسىمالداۋدا. اتالعان اۆتوبۋستاردى گاز وتىنىمەن قامتاماسىز ەتۋ ءۇشىن 2 گاز ستانتسياسى قىزمەت كورسەتۋدە، ال ءۇشىنشى ستانتسيانىڭ سالۋ ءۇشىن جەر ۋچاسكە ءبولىندى، ينۆەستور انىقتالىپ، قۇرىلىستىڭ باستالۋىنا دايىندىق قىزۋ ءجۇرىپ جاتىر.
سونداي-اق، ەلەكتروندىق TOLEM كارتاسىنىڭ 310 مىڭعا جۋىعى ساتىلىپ، كۇندەلىكتى ترانزاكتسيا 300 مىڭدى قۇراپ وتىر.
