بۇگىن شىمكەنت قالاسىنىڭ اكىمى مۇرات ايتەنوۆ “وتەگەنوۆ” كوشەسىندە جالعاسىپ جاتقان جول قۇرىلىسى جۇمىستارىن تەكسەردى.
ساپاعا باستى نازار اۋدارعان شاھار باسشىسى نىساننىڭ مەرزىمىنەن كەشىكتىرىلمەي تاپسىرىلۋىن ءتيىستى باسقارما مەن مەردىگەر مەكەمە باسشىلارىنا ەسكەرتتى.
قۇرىلىس ەكى كەزەڭمەن جۇرگىزىلۋدە;
1-كەزەڭ “وتەگەنوۆ” كوشەسى جالعاسىنىڭ قۇرىلىسى “شىمكەنت سيتي” شاعىن اۋدانىنان “سىرىم باتىر” كوشەسى ارالىعىن قامتيدى. جالپى ۇزىندىعى 1205 شاقىرىم، ەنى 28 م. جولدىڭ ءجۇرىس بولىگى 4 جولاقتى.
قازىرگى تاڭدا، اۆتوموبيل جولىنا جەر نەگىزىن جاساۋ جانە تىعىزداۋ جۇمىستارى اتقارىلۋدا. بۇعان قوسا شاعال تاس توسەلىپ، اياقجول سالىنىپ، يرريگاتسيالىق ارىقتار ورناتىلۋدا.
“وتەگەنوۆ” كوشەسى جالعاسىنىڭ 2-كەزەڭ قۇرىلىسى “سىرىم باتىر” كوشەسى مەن “تولەمەتوۆ” كوشەلەرى ارالىعى. جالپى ۇزىندىعى 970 م، ەنى 23,5 م.
اۆتوموبيل جولىندا 4 جولاقتى ءجۇرىس بولىگى قاراستىرىلعان.
قازىرگى تاڭدا كوشەدە اسفالت جابىندىسىن توسەۋ جۇمىستارى جانە جاياۋ جۇرگىنشىلەر جولىن سالۋ جۇمىستارى جۇرگىزىلۋدە.
بىلتىر باستالعان قۇرىلىس جۇمىستارى 2023 جىلى تولىعىمەن اياقتالادى.
