شىمكەنت قالاسىندا «ميزام – بەرەكە مەن بىرلىك مەرەكەسى» اتتى «Bereke – fest» ەتنوفەستيۆالى ۇيىمداستىرىلدى. التىن كۇز مەرەكەسىنە ارنالعان ءىس-شارا قالانىڭ الەۋەتى مەن اگروونەركاسىبىندەگى جەتىستىكتەردى ناسيحاتتاۋ، ۇلتتىق جارمەڭكە دۋمانىن قايتا جاڭعىرتۋدى ماقسات ەتكەن.
25 قازان – رەسپۋبليكا كۇنى اياسىندا ءوتىپ جاتقان التىن كۇز مەرەكەسىنە ۇلتتىق ونەرگە جاناشىر قالا تۇرعىندارى، قولونەر شەبەرلەرى، مادەنيەت سالاسىنىڭ قىزمەتكەرلەرى قاتىسۋدا.
شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان ءىس-شارانىڭ ماڭىزدىلىعىن اتاپ ءوتىپ، اۋىلشارۋاشىلىعى سالاسى قىزمەتكەرلەرىن ماراپاتتادى.
– اۋىلشارۋاشىلىعى – وڭتۇستىك ءوڭىرى ءۇشىن نەگىزگى سالالاردىڭ ءبىرى. شىمكەنت قالاسىندا جىل سايىن 90 مىڭ توننا ءونىم جينالادى. قازىرگى ۋاقىتتا اۋىلشارۋاشىلىعى ونىمدەرىن قايتا وڭدەۋ سالاسىنا نازار اۋدارىلۋدا. شاھاردا اگرونەركاسىپ كەشەندەرى ىسكە قوسىلىپ جاتىر. ەندىگى رەتتە قالا دۇكەندەرىندە وتاندىق ونىمدەردىڭ قاتارى ارتاتىنىنا سەنىم مول. بارشاڭىزدى التىن كۇز مەرەكەسىمەن قۇتتىقتايمىن، – دەدى قالا اكىمىنىڭ ءبىرىنشى ورىنباسارى.
جيىندا اۋىلشارۋاشىلىعى سالاسى كاسىپورىندارى، شارۋا قوجالىقتار باسشىلارى «اۋىل شارۋاشىلىعى سالاسىنىڭ ۇزدىگى» توسبەلگىسىمەن، قر اۋىلشارۋاشىلىعى مينيسترلىگىنىڭ «قۇرمەت گراموتاسىمەن»، قالا اكىمىنىڭ العىس حاتىمەن ماراپاتتالدى. «Bereke – fest» ەتنوفەستيۆالى كەشكى 18:00-گە دەيىن جالعاسالى. ءىس-شارادا ۇلتتىق سپورت ويىندارى، قولونەرشىلەر كورمەسى، اۋىلشارۋاشىلىق جارمەڭكەسى ءوتىپ جاتىر.
