«BEREKE – FEST» Etnofestıvali ulttyq dástúrdi dáripteıdi

617
Adyrna.kz Telegram

Shymkent qalasynda «Mızam – bereke men birlik merekesi» atty «Bereke – fest» etnofestıvali uıymdastyryldy. Altyn kúz merekesine arnalǵan is-shara qalanyń áleýeti men agroónerkásibindegi jetistikterdi nasıhattaý, ulttyq jármeńke dýmanyn qaıta jańǵyrtýdy maqsat etken.

25 qazan – Respýblıka kúni aıasynda ótip jatqan altyn kúz merekesine ulttyq ónerge janashyr qala turǵyndary, qolóner sheberleri, mádenıet salasynyń qyzmetkerleri qatysýda.
Shymkent qalasy ákiminiń birinshi orynbasary Shyńǵys Muqan is-sharanyń mańyzdylyǵyn atap ótip, aýylsharýashylyǵy salasy qyzmetkerlerin marapattady.
– Aýylsharýashylyǵy – Ońtústik óńiri úshin negizgi salalardyń biri. Shymkent qalasynda jyl saıyn 90 myń tonna ónim jınalady. Qazirgi ýaqytta aýylsharýashylyǵy ónimderin qaıta óńdeý salasyna nazar aýdarylýda. Shaharda agronerkásip keshenderi iske qosylyp jatyr. Endigi rette qala dúkenderinde otandyq ónimderdiń qatary artatynyna senim mol. Barshańyzdy altyn kúz merekesimen quttyqtaımyn, – dedi qala ákiminiń birinshi orynbasary.
Jıynda aýylsharýashylyǵy salasy kásiporyndary, sharýa qojalyqtar basshylary «Aýyl sharýashylyǵy salasynyń úzdigi» tósbelgisimen, QR Aýylsharýashylyǵy mınıstrliginiń «Qurmet gramotasymen», qala ákiminiń Alǵys hatymen marapattaldy. «Bereke – fest» etnofestıvali keshki 18:00-ge deıin jalǵasaly. Is-sharada ulttyq sport oıyndary, qolónershiler kórmesi, aýylsharýashylyq jármeńkesi ótip jatyr.

Pikirler