1 جەلتوقسان كۇنى ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتى، ءباسپاسوز جانە ەلەكتروندى باق كافەدراسىندا كينو&مەديا ماماندىعىندا 1 كۋرس ستۋدەنتتەرىنىڭ ۇيىمداستىرۋىمەن تاۋەلسىزدىك كۇنىنە ارنالعان "1 دۋبل" اتتى تانىستىرۋ كەشى ءوتتى، دەپ جازادى “ادىرنا” ۇلتتىق پورتالى.
شارانىڭ ماقساتى - قانمەن كەلگەن مەرەكەنىڭ قاستەرلى ەكەنىن ۇعىندىرۋ ءارى كينو&مەديا ماماندىعىنىڭ ستۋدەنتتەرىنىڭ تانىستىرۋى.
شاراعا جۋرناليستيكا فاكۋلتەتىنىڭ دەكانى نۇرجان قۋانتايۇلى، كافەدرا وقىتۋشىلارى جانە ستۋدەنتتەر بەلسەنە قاتىستى.
ەڭ الدىمەن، جۋرناليستيكا فاكۋلتەتىنىڭ دەكانى نۇرجان قۋانتايۇلى ءوز سوزىمەن شارانى اشىپ بەرگەن بولاتىن. ءوز سوزىندە، كينو&مەديا ماماندىعىنىڭ 2 جىلدىعىمەن قۇتتىقتاپ، سول ساتتە كينو&مەديا ماماندىعىنىڭ جاڭا لوگوتيپىنىڭ تۇساۋىن كەسكەن ەدى.
شارا بارىسىندا، ەلۋباي عايزات، سەيىلبەك حانزادا، سايابەكوۆا بالاۋسا، بولاتبەكوۆ باعجان، يسەنالي جاننا جۇرەكجاردى ولەڭدەرىن وقىپ ءتانتى ەتسە، مىڭ بۇرالعان ءبيشى قىزدارىمىز كورەرمەننىڭ ىستىق لەبىزىنە بولەندى.
سونىمەن قاتار، ستۋدەنتتەر جەلتوقساندا باسىن بايگەگە تىگىپ، الاڭعا شىققان جاستارىمىزدى كورىنىستە ويناپ، اكتيورلىق شەبەرلىكتەرىندە كورسەتە بىلسە، بولىسبەك ماديار قازاقتىڭ قارا دومبىراسىمەن كۇمبىرلەتە "اداي" كۇيىن شەرتتى.
شارا سوڭىندا، اعا وقىتۋشى، كۋراتورىمىز ن.ب.رۋشانوۆا كينو&مەديا ماماندىعىنىڭ 2 جىلدىعىنا وراي ءتاتتى تورت دايىنداپ، كافەدرا وقىتۋشىلارى جىلى لەبىزدەرىن ءبىلدىرىپ، ستۋدەنتتەرگە ساتتىلىك تىلەپ شارا ءوز مارەسىنە جەتتى.
كينو&مەديا ماماندىعىنىڭ 1 كۋرس ستۋدەنتى باقبەرگەن نۇراي
جەتەكشىسى: اعا وقىتۋشى، كۋراتور ن.ب.رۋشانوۆا
