حالىقتىڭ ءبىرىنشى كەزەكتەگى ماسەلەسىن شەشۋ - باستى مىندەت

566
Adyrna.kz Telegram

شىمكەنتتىڭ اباي اۋدانىندا 322 مىڭنان استام حالىق تۇرادى. اۋدانداعى 34 ەلدىمەكەننىڭ 33-ءى اۋىز سۋمەن قامتىلعان، بۇگىنگى تاڭدا 1 ەلدىمەكەندە قۇرىلىس جۇمىستارى اياقتالۋعا جاقىن. جىل سوڭىنا دەيىن اباي اۋدانىنىڭ حالقى 100% تازا سۋمەن قامتىلادى. بۇل تۋرالى اۋدان اكىمى بۇحارباي پارمانوۆ شاھار باسشىسىنىڭ حالىقپەن كەزەكتى ەسەپ بەرۋ جيىنىندا ايتتى.

«بىلتىر «جاڭاتالاپ»، «ىنتىماق-2»، «اقتاس-2»، «نۇرشۋاق»، «جاڭا تۇرلان» ەلدىمەكەندەرىنە اۋىز سۋ كىرگىزدىك. جىل سوڭىنا دەيىن «قۇرسايداعى» قۇرىلىس جۇمىستارى اياقتالىپ، ابونەنتتەۋ جۇمىستارى جۇرگىزىلەدى»-دەدى ب.پارمانوۆ.

اۋدان اكىمىنىڭ بەرگەن مالىمەتىنشە، «نۇرشۋاق»، «جاڭاتالاپ»، «باتىس» تۇرعىن الاپتارىن ەلەكتر جارىعىمەن قامتۋ جۇمىستارى بىتۋگە جاقىن. جاڭا جىلعا دەيىن 4366 تۇتىنۋشى ساپالى ەلەكتر قۋاتىنا قول جەتكىزەدى.

كوگىلدىر وتىنمەن بارلىق ەلدىمەكەننىڭ 24-ءى قامتىلعان. بيىل 7 نىساندا قۇرىلىس قىرقىندى جۇرگىزىلۋدە. كەلەسى جىلى تاعى 3-دە گاز تارتۋ جۇمىستارى باستالادى. جالپى، اباي اۋدانى 2024 جىلى تولىق گازبەن قامتىلاتىن بولادى.

«ينفراقۇرىلىم قۇرىلىسى ءار جىلعا كەزەڭ-كەزەڭىمەن جوسپارلانعان. حالىقتىڭ ءبىرىنشى كەزەكتەگى ماسەلەسىن شەشىپ بەرۋ – ءبىزدىڭ مىندەتىمىز. قالا باسشىسى م.ايتەنوۆتىڭ تىكەلەي قولداۋىمەن الداعى 2 جىلدا «اباي» اۋدانى بويىنشا سۋ، گاز، جارىق ماسەلەسى تۇبەگەيلى شەشىلەدى. سابىر ساقتاپ، بەرىلگەن ۋادەلەردىڭ ورىندالۋىن كۇتكەندەرىڭىز ءۇشىن حالىققا العىسىمدى بىلدىرەمىن»-دەدى اۋدان اكىمى.

ال «سامال-3» پەن «سولتۇستىك باتىسقا» قازىرگى ۋاقىتتا كارىز جۇيەسى تارتىلۋدا، ول دا اياقتالۋعا جاقىن. كەلەسى جىلى «112 ورامدا» قۇرىلىس باستالادى. ءسويتىپ بۇل ماسەلە 2025 جىلعا دەيىن 59%-عا شەشىمىن تاباتىن بولادى.

 

پىكىرلەر