بوزارىقتا ينفراقۇرىلىم جۇيەلەرى تارتىلىپ جاتىر

516
Adyrna.kz Telegram

قاراتاۋ اۋدانىنا قاراستى «بوزارىق» شاعىن اۋدانىندا بەس قاباتتى تۇرعىن ءۇيدىڭ قۇرىلىسى ءبىتىپ، ينفراقۇرىلىم جۇيەلەرىن تارتۋ جۇمىستارى توقتاۋسىز جۇرگىزىلۋدە. قالا اكىمى مۇرات ايتەنوۆ نىسان باسىنا ارنايى بارىپ، بۇعان دەيىن بەرىلگەن ەسكەرتپەلەردىڭ تۇزەتىلگەنىنە كوز جەتكىزدى.

مۇندا 1,4 شق ەلەكتر جەلىسى، 1,2 شق گاز، 1,3 شق اۋىز سۋ قۇبىرلارى، 0,8 شق كارىز جۇيەسى تارتىلۋدا. قازىرگە دەيىن بارلىق جۇمىستاردىڭ 30% ورىندالدى. كەلەسى جىلى اۋىز مەن كوگىلدىر وتىن تارتۋ جۇمىسى تولىق اياقتالادى.

سونىمەن قاتار 2020 جىلى باستالعان جولداردىڭ قۇرىلىسى 50%-عا سالىنىپ، قالعان جارتىسى كەلەسى جىلى تولىعىمەن بىتەدى.
تەكسەرۋ بارىسىندا مەردىگەر مەكەمە باسشىلارىنا جۇمىستىڭ ساپاسى سىن كوتەرەتىندەي بولسىن دەگەندى قايتالاپ ايتقان قالا اكىمى م.ايتەنوۆ جاۋاپتى باسقارما باسشىلارىنان شاھاردا سالىنىپ جاتقان ءاربىر نىساننىڭ مەرزىمىنەن كەشىكتىرىلمەۋىن دە تالاپ ەتتى.

 

پىكىرلەر