ۇستاز ەڭبەگى ەلەنگەن كۇن

576
Adyrna.kz Telegram

شىمكەنت قالالىق “وپەرا جانە بالەت”تەاترىندا «جارىق نۇرى عالامنىڭ» اتتى ۇستازدار كۇنى قارساڭىندا مەرەكەلىك كەش ءوتتى. وعان قالا اكىمى مۇرات ايتەنوۆ قاتىسىپ، شاكىرت تاربيەلەۋ جولىندا تالماي ەڭبەك ەتكەن جانە ءبىلىم سالاسىنا ۇلەسىن قوسىپ جۇرگەن مۇعالىمدەردى سالتاناتتى تۇردە ماراپاتتادى.

ۇلاعاتتى ۇرپاق تاربيەلەۋ – اسا جاۋاپتى ءارى كۇردەلى مىندەت ەكەنىن ايتقان شاھار باسشىسى ءاربىر ۇستاز قۇرمەت پەن مەملەكەتتىك ناگراداعا لايىقتى ەكەنىن جەتكىزدى.
-سىزدەر بالالارعا ءومىر بويى وزدەرىمەن بىرگە الىپ جۇرەتىن، بولاشاعىن جانە شىنايى ءومىر جولىنا قاجەتتى باعا جەتپەس بايلىق - ءبىلىم بەرەسىزدەر. سونىمەن بىرگە، قالامىزدىڭ ابىرويىن اسقاقتاتىپ وتىرسىزدار. سىزدەردىڭ ارقالارىڭىزدا شىمكەنت قالاسىنىڭ وقۋشىلارى حالىقارالىق جانە رەسپۋبليكالىق پاندىك ءبىلىم سايىستارىنان 10 التىن، 17 كۇمىس، 33 قولا جۇلدەنى جەڭىپ الدى. 200-دەن استام وقۋشى جۇلدەلى ورىنداردى يەلەندى.
سىزدەردىڭ تىنىمسىز ەڭبەكتەرىڭىزدىڭ ارقاسىندا الدا تالاي ەلىن سۇيەتىن، ءبىلىمدى جاس ورتاعا قوسىلارىنا كامىل سەنەمىز،-دەدى م.ايتەنوۆ.

ءبىلىم بەرۋ سالاسى - قالاداعى نەگىزگى جۇيە قۇراۋشى سالا. 871 ءبىلىم بەرۋ ۇيىمى 440 مىڭعا جۋىق تاربيەلەنۋشى، وقۋشى مەن ستۋدەنتتى قامتيدى. بۇل - ءاربىر ءۇشىنشى شىمكەنتتىكتىڭ وسى جۇيەگە قاتىسى بار دەگەن ءسوز.

قىزىعى مەن شىجىعى قاتار جۇرەتىن ۇستازدىق جولدا ورلەۋ مەن ءوسۋ تىلەگەن قالا اكىمى م.ايتەنوۆ سالتاناتتى جاعدايدا قر ءبىلىم جانە عىلىم مينيسترلىگىنىڭ «ەڭبەك ارداگەرى» مەدالىمەن بەيسەنباەۆا شولپان اسىلبەكقىزىن، ء“بىلىم بەرۋ ءىسىنىڭ قۇرمەتتى قىزمەتكەرى” توسبەلگىسىمەن №28 جالپى ورتا ءبىلىم بەرەتىن مەكتەبىنىڭ ديرەكتورى، اعىلشىن ءتىلى ءپانى مۇعالىمى قۇرمانبەكوۆا قارلىعاش جاركىنبەكقىزىن ماراپاتتادى.

بىرنەشە ۇستازعا قر وقۋ-اعارتۋ مينيسترلىگىنىڭ “قۇرمەت گراموتاسى” مەن العىس حاتتار تابىستالدى. سونىمەن قاتار ءاربىر ۇستازعا شاھار باسشىسىنىڭ ىقىلاس گۇلى تارتۋ ەتىلدى.

سالتاناتتى شارا سوڭى كونتسەرتتىك باعدارلاماعا ۇلاستى.

 

پىكىرلەر