Shymkent qalalyq “Opera jáne balet”teatrynda «Jaryq nury ǵalamnyń» atty Ustazdar kúni qarsańynda merekelik kesh ótti. Oǵan qala ákimi Murat Áıtenov qatysyp, shákirt tárbıeleý jolynda talmaı eńbek etken jáne bilim salasyna úlesin qosyp júrgen muǵalimderdi saltanatty túrde marapattady.
Ulaǵatty urpaq tárbıeleý – asa jaýapty ári kúrdeli mindet ekenin aıtqan shahar basshysy árbir ustaz qurmet pen memlekettik nagradaǵa laıyqty ekenin jetkizdi.
-Sizder balalarǵa ómir boıy ózderimen birge alyp júretin, bolashaǵyn jáne shynaıy ómir jolyna qajetti baǵa jetpes baılyq - bilim beresizder. Sonymen birge, qalamyzdyń abyroıyn asqaqtatyp otyrsyzdar. Sizderdiń arqalaryńyzda Shymkent qalasynyń oqýshylary halyqaralyq jáne respýblıkalyq pándik bilim saıystarynan 10 altyn, 17 kúmis, 33 qola júldeni jeńip aldy. 200-den astam oqýshy júldeli oryndardy ıelendi.
Sizderdiń tynymsyz eńbekterińizdiń arqasynda alda talaı Elin súıetin, bilimdi jas ortaǵa qosylaryna kámil senemiz,-dedi M.Áıtenov.
Bilim berý salasy - qaladaǵy negizgi júıe quraýshy sala. 871 bilim berý uıymy 440 myńǵa jýyq tárbıelenýshi, oqýshy men stýdentti qamtıdy. Bul - árbir úshinshi shymkenttiktiń osy júıege qatysy bar degen sóz.
Qyzyǵy men shyjyǵy qatar júretin ustazdyq jolda órleý men ósý tilegen qala ákimi M.Áıtenov saltanatty jaǵdaıda QR Bilim jáne ǵylym mınıstrliginiń «Eńbek ardageri» medalimen Beısenbaeva Sholpan Asylbekqyzyn, “Bilim berý isiniń qurmetti qyzmetkeri” tósbelgisimen №28 jalpy orta bilim beretin mektebiniń dırektory, aǵylshyn tili páni muǵalimi Qurmanbekova Qarlyǵash Jarkynbekqyzyn marapattady.
Birneshe ustazǵa QR Oqý-aǵartý mınıstrliginiń “Qurmet Gramotasy” men alǵys hattar tabystaldy. Sonymen qatar árbir ustazǵa shahar basshysynyń yqylas gúli tartý etildi.
Saltanatty shara sońy konerttik baǵdarlamaǵa ulasty.
