قازاقتىڭ سالقار دالاسىندا ءۇيىر-ءۇيىر جىلقى ءيىرىپ، اتا كاسىپتىڭ بەرەكەسىن تاسىتىپ وتىرعان ەرلى-زايىپتىلاردىڭ ءبىر-بىرىنە سۇيەۋ، ەلىنە تىرەۋ بولعاندارى قاشان دا ماقتاۋعا تۇرارلىق. ديدجيتال تۋىندىگەر، قازاق قالپى مەن قازاق سالتىنا قاتىستى بىرقاتار بەينە-دەرەكتەردىڭ جاسامپازى ەرنار المابەك ەرىنە بولىسىپ، جىلقى قايىرۋعا شىققان "جەڭگەمىزدىڭ" ەرەكشە بولمىسىن تاسپاعا ءتۇسىردى. تارپاڭ تۇلپاردىڭ جالىن تارتىپ مىنگەن انامىز جايلى "ادىرنا" ۇلتتىق پورتالى سۋرەتتەدى.
- ايدالادا اداسىپ كەتكەنبىز. الىستان مال باعىپ جۇرگەن ءبىر كىسىنى بايقادىق تا، جولدى سول بىلەر دەپ جانىنا باردىق. ايەل ادام ەكەن. ءجون سۇراسساق، جەڭگەمىز بولىپ شىقتى. سۇحباتتاسىپ، فوتوسەسسيا ۇيىمداستىردىق. سۋرەتتەر قالاي؟ - دەپ جازدى ۆيدەو تۋىندىگەرى.
اڭگىمە-دۇكەن اراسىندا تۇلپاردىڭ تىزگىگىن تۇتقان انامىز جىلى شىرايمەن:
"ماعان ات ۇنايدى. ات ماعان كۇش-قۋات بەرەدى. جولداسىما كومەكتەسپەسەم بولمايدى عوي" - دەپ جاۋاپ بەرەدى.
View this post on Instagram
شاڭىراعى بەرىك، ىرگەسى بەكەم وتاعاسى مەن وتاناسىنىڭ ءبىر-بىرىنە دەگەن ىستىق ىقىلاسىن اڭداعان قالىڭ كوپشىلىك كەيىپكەرلەرگە ىزگى تىلەكتەرىن جاۋدىرىپ جاتىر.
"ادىرنا" پورتالى كەيىپكەرلەرگە قاتىستى دەرەكتەردى انىقتاپ كوردى. شاڭىراق يەسى - ايدوس ۇركىنباەۆ، تانىستىق-بىلىستىك توعىزبۇلاق اۋىلىنىڭ ماڭىندا بولعان.
"ادىرنا" ۇلتتىق پورتالى
