فەيسبۋك الەۋمەتتىك جەلىسىندە سەرىك بوقان ەسىم-cويلى ازاماتتىڭ جىلقى ەتىن جەۋدەن قازاق حالقىن ساقتاندىرعان جازباسى تارادى. اۆتور ءوز جازباسىندا جىلقى ەتىن جەۋدىڭ اسقان زيانىن ايتىپ، تۇتاس ۇلتقا قاۋىپ-قاتەر ءتونىپ تۇرعانىن جەتكىزەدى. بۇل جايلى "ادىرنا" ۇلتتىق پورتالى حابارلايدى.
اۆتور ءوز جازباسىندا قازاق حالقىن جىلقى ەتىنەن ءبىرجولا جيرەنۋگە شاقىرادى. ءوز ويىن سەرىك بوقان بىلاي باستايدى:
"جىلقى ەتى ومىرگە وتە قاۋىپتى! شىعىس مەديتسيناسى جىلقى ەتىنىڭ ءتۇرلى باكتەريا، وتە جامان اۋىرۋلار تۋدىراتىن ازىق ەكەنىن دالەلدەدى. ول جۇرەك، مي قان تامىرلارىن جارىپ ومىرگە قاۋىپ توندىرەدى".
كەيىننەن جىلقى ەتىنە جانى قاس اۆتور قىتايى مەديتسيناعا توقتالادى. جىلقى ەتىن تۇتىنۋ - بەدەۋلىكتىڭ باستاۋى، اقىرىندا تۇتاس ۇلتتىڭ ءوز تامىرىنا بالتا شابۋى دەگەن توقتامعا كەلەدى.
قىتايدىڭ بەس مىڭ جىلدىق تاريحى بار مەديتسيناسىندا ايتادى: جىلقى ەتى باۋىر، بۇيرەك، اسقازان، ىشەك جولدارىن قۇرتتار ءوربىتۋ ارقىلى اۋىرتادى. سۇيكتىڭ سىنۋىن، كەۋەكتەندىرۋىن جەدەلدەتەدى. دوڭىز بەن جىلقى ەتىن قاتار جەسە، وبا اۋىرۋىن تۋدىرادى. جىلقى تەرىسىن جىلانعا جاپسا، جىلان ولەدى. جىلقى ەتىن جەيتىن ادام وتە كوپ اۋىرۋعا شالدىعادى. جىلقى ەتىن جەگەن قاۋىمنىڭ ءوسىمى توقتايدى. ەرلەر بەلسىز، ايەلدەر بەدەۋ بولادى
قىسقاسى جارتى ساعات زالادى جىلقى ەتى تۋرالى ەسكەرتۋدى ەستىپ وتە قاۋىپتى ەكەنىن ءبىلدىم. ساق بولايىق!
جىلقى كولىك رەتىندە پايدالانۋعا لايىق كوركەمونەرشى جاراتىلىس، - دەيدى اۆتور بۇل جايىندا.
ءسوز سوڭىندا فەيسبۋك بەلسەندىسى قوس سۋرەتپەن بولىسەدى. وندا اراپشا جازۋ قولدانىلعان كارتينا جانە تۋلاعان تۇلپاردىڭ بەينەسى بار.
وقىرماندار اۆتورعا جاۋاپ ەسەبىندە تومەندەگىدەي وي-پىكىر قالدىرۋدا:
"جىلقى ەتىن جەگەن بابالارىمىز ون-جيىرما بالادان تاپقان. جىلقىنىڭ ەتى - ادال",
"قىتايلار جەمەي-اق قويسىن. قازاققا جىلقى ەتى جاعادى. جاعىپ تا كەلەدى. ءيا، مايى سۇيەكتى جۇمسارتاتىنى راس، بىراق ونى ۇنەمى جەمەيدى عوي. كوبىنە قىستا سوعىم رەتىندە جەيدى. جىلقى ەتى دەنەنى قىزدىراتىنى راس. ايتا بەرسەك، پايداسى كوپ. جىلقى ەتى - ناعىز ديەتا تاعامى",
"وتىرىك! جىلقى ەتىن جەپ ءجۇز جاساعان ادامدار جەتەرلىك. كەرىسىنشە دەساۋلىققا وتە پايدالى.ەتى زياندى بولسا، قىمىزى، ساۋمالى شە؟ وكپە اۋرۋىمەن، باۋىر اۋرۋىنان قىمىز ءىشىپ، ساۋمال ءىشىپ جازىلعاندار تۋرالى نە دەيمىز؟ كيەلى جىلقىعا ءسوز كەلتىرمەڭىزدەر!","جىلقىنى قالاي زەرتتەپ، ءبىلىپ، باعىپ ءوسىرىپ باپتاۋدى الدىمەن قازاقتان سۇراپ ءبىلىپ السىن، ايتپەسە جىلان جەگەندەردىڭ ۇستىنە جىلقىنىڭ تەرىسىن جابا سالمىز-اۋ","قاۋىپتى قۇرت، شايان جەيتىن قىتايدىڭ جىلقىسى شىعار. بىزدەردىكىنىڭ جەگەندەرى جۋسان، ءبارى قازاقتىڭ كەڭ دالاسىندا جايىلعان. اۋزىمنىن سۋى اعىپ كەتتى... قازىسى قانداي سۇرلەنگەن. قىتايدىڭ جىلقىسى قاۋىپتى شىعار، قازاقتىڭ جىلقىسى ءنان عوي" دەدى وقىرماندار.
