Qazaqtyń salqar dalasynda úıir-úıir jylqy ıirip, ata kásiptiń berekesin tasytyp otyrǵan erli-zaıyptylardyń bir-birine súıeý, eline tireý bolǵandary qashan da maqtaýǵa turarlyq. Dıdjıtal týyndyger, qazaq qalpy men qazaq saltyna qatysty birqatar beıne-derekterdiń jasampazy Ernar Almabek erine bolysyp, jylqy qaıyrýǵa shyqqan "jeńgemizdiń" erekshe bolmysyn taspaǵa túsirdi. Tarpań tulpardyń jalyn tartyp mingen anamyz jaıly "Adyrna" ulttyq portaly sýrettedi.
- Aıdalada adasyp ketkenbiz. Alystan mal baǵyp júrgen bir kisini baıqadyq ta, joldy sol biler dep janyna bardyq. Áıel adam eken. Jón surassaq, jeńgemiz bolyp shyqty. Suhbattasyp, fotosessııa uıymdastyrdyq. Sýretter qalaı? - dep jazdy vıdeo týyndygeri.
Áńgime-dúken arasynda tulpardyń tizgigin tutqan anamyz jyly shyraımen:
"Maǵan at unaıdy. At maǵan kúsh-qýat beredi. Joldasyma kómektespesem bolmaıdy ǵoı" - dep jaýap beredi.
View this post on Instagram
Shańyraǵy berik, irgesi bekem otaǵasy men otanasynyń bir-birine degen ystyq yqylasyn ańdaǵan qalyń kópshilik keıipkerlerge izgi tilekterin jaýdyryp jatyr.
"Adyrna" portaly keıipkerlerge qatysty derekterdi anyqtap kórdi. Shańyraq ıesi - Aıdos Úrkinbaev, tanystyq-bilistik Toǵyzbulaq aýylynyń mańynda bolǵan.
"Adyrna" ulttyq portaly
