پرەزيدەنتتىككە ۇمىتكەرلەر اراسىندا تەلە-تارتىس ءوتتى. قاراقات ابدەنگە تەلەۆيزيالىق دەبات بارىسىندا شىمكەنتتىك كورەرمەن ساۋال قويدى. ول پرەزيدەنتتىكتەن دامەلى جاننان قازاق قىزدارىنىڭ شەتەلدىكتەرگە تۇرمىسقا شىعىپ، وزگە ۇلتپەن وتاۋ قۇرۋىنا قالاي قارايتىنىن سۇرادى، دەپ حابارلايدى "ادىرنا" ۇلتتىق پورتالى.
ۇلت ۇياسىن ۇلعايتىپ، قازاقى تەگىن ساقتايتىن اياۋلى جاندارعا قۇرمەتى ەرەكشە جوعارى قاراقات ابدەن شەتەلدىكتەردىڭ ەتەگىنەن ۇستاپ، قارجىلىق قىزىعۋشىلىققا بولا شەكارا اساتىن قازاق قىزدارىنا سالىق سالۋدى ۇسىندى:
- وسىنداي جاعدايدا جاستار سەزىمگە بەرىلەدى. مەن ولارعا «باقىتتى بول» دەگىم كەلەدى. بىراق سوڭعى كەزدەرى بۇل قادامعا ەسەپپەن باراتىن جاستار كوبەيىپ بارادى. ءارتۇرلى ەسەپتەۋلەر: ولار شەتەلدەگى ومىرگە قىزعانىشپەن قارايدى. بىراق ءبىز سالت-ءداستۇردى ساقتاۋ تۇرعىسىنان قاراۋىمىز كەرەك. قىزدار - ءبىزدىڭ قۇندىلىعىمىز! ولاردى شەتەلگە قالاي بەرەمىز؟ - دەپ اشىندى ۇمىتكەر.
كەيىننەن شەتەلدىك جىگىتپەن كوڭىل جاراستىرعىسى كەلەتىندەردىڭ نەكەلەرىن زاڭ شەڭبەرىندە رەتتەستىرۋ جايىن ءسوز ەتتى.
- شەتەلدىككە تۇرمىسقا شىققىسى كەلەتىندەرگە سالىق سالۋدى ۇسىنامىن، سودان كەيىن قىزدار مەن ولاردىڭ اتا-انالارى ويلاناتىن شىعار، - دەدى قاراقات ابدەن.
"ادىرنا" ۇلتتىق پورتالى
