دانيادا تۇراتىن جاۋىنگەر قازاق قىزى

3463
Adyrna.kz Telegram

دانيانىڭ حولستەبرو قالاسىندا تۇراتىن ءلايلا ايۋبي — وسى ەلدە تۇڭعىش رەت اسكەري اتاق العان قازاق قىزى دەپ حابارلايدى "ادىرنا" ۇلتتىق پورتالى.

بۇگىندە ءلايلا — حولستەبرو قالاسىنداعى «يۋتلانديا ايداھار پولكىنىڭ» كۋرسانت-ساربازى. ول جۋىردا دانياداعى اسكەري ادامدارعا بەرىلەتىن «ايداھار» اتاعىن العان.

ءلايلانىڭ ءبىلىم الىپ جاتقان وقۋ ورنى – HBU (Hærens Basis Uddannelse) اسكەري بازالىق دايىندىق مەكتەبى. ونىڭ ماماندىعى – جاۋىنگەر-سارباز.

— كازارمامىز «يۋتلانديا ايداھار پولكى» دەپ اتالادى. مۇندا سوعىساتىن جاۋىنگەرلەر مەن كوپىر سالاتىن ينجەنەرلەر، بومبا دايىندايتىن ارتيللەريا ساربازى دا ماماندىق الىپ شىعادى.  ءبىز تۇراتىن حولستەبرو قالاسىندا ساربازدى «ايداھار» دەپ اتايدى. توپپەن بىرگە «ايداھار تۋرى» دەگەن ارنايى دايىندىقتان وتەمىز. ول تۇنگى 1-دە باستالادى. جاتتىعۋ اياقتالعاننان كەيىن، «H rex» اتاعى بەرىلەدى. كازارما الدىندا پاراد ءوتىپ، سالتاناتتى جيىن ۇيىمداستىرىلادى. سول كەزدە كۋرسانتتاردى ماراپاتتاپ، «ايداھار» اتاعىن تاپسىرادى. دانيا قازاقتارىنىڭ اراسىنان تۇڭعىش رەت وسى اسكەري اتاقتى العانىما ماقتانامىن، – دەيدى قازاق قىزى.

 

"ادىرنا" ۇلتتىق پورتالى.

پىكىرلەر