قازاققا قاجەت ەمەس "سپورت" گازەتتەرى!

1622

...بۇگىن قازاق مەملەكەتىنىڭ تۇڭعىش سپورت ءباسپاسوزى -- ەكى تىلدە شىعاتىن "سپورت" گازەتىنىڭ ءبىرىنشى سانىنىڭ جارىق كورگەنىنە 60 جىل تولادى! بۇل -- شىنداپ كەلگەندە مەملەكەتتىك كولەمدە اتاپ وتەتىن وقيعا. وكىنىشكە قاراي،بۇل وقيعانى سپورت مينيسترلىگىن بىلاي قويعاندا گازەت رەداكتسياسىنىڭ ءوزى جاق اشىپ،جاريالاپ،ون ادامنىڭ باسىن قوسىپ،وسىنداي ۇلى وقيعا بولىپ ەدى-اۋ دەۋگە شاماسى كەلمەدى! سەبەبى - گازەتتەر سوڭعى بەس جىل كولەمىندە جانى اشىماستاردىڭ قولىنا ءتۇسىپ،بۇگىندە قازاقشاسى دەربەس شىعۋدان دا ايرىلىپ،باسقا ءبىر گازەتتپەن بۋدانداستىرىلىپ،ءوز اتىنان ايرىلىپ،تاريحي دەرەكتەردىڭ ءىزى جوعالىپ،تۇتاس ءبىر سالاعا قيانات بولىپ جاتقان جاعدايى بار! گازەتتەردىڭ 50 جىلدىعى دا اتاپ وتىلمەدى! مەرەيتوي اتاپ وتىلمەك تۇگىلى گازەتتەردىڭ سول كەزدەگى قوجالارىنىڭ "سپورت" گازەتتەرىن قۇلاي سۇيەتىندىكتەرىنىڭ ارقاسى بولار، قازاق تىلىندە شىعاتىن گازەتىمىزدىڭ جەلكەسى قيىلىپ،جارىققا شىقپاي قالدى! سپورتتاعى،الەم چەمپيوناتتارى مەن وليمپيادالارداعى جەڭىستەرىمىزگە پرەزيدەنتتىڭ وزىنەن باستاپ بۇكىل حالىق بوركىن اسپانعا اتىپ قۋاناتىنىن بىلەتىن ءبىز ءدال وسىنداي جانىاشىماستىققا
نە ايتارىمىزدى دا،نە ويلارىمىزدى دا بىلمەي باستى سالبىراتىپ قانا وتىرمىز... سوناۋ 1959 جىلدىڭ 1 قاڭتارىنان باستاپ بۇل گازەتتە قانشاما تالانتتى قالامگەر،جانكەشتى جۋرناليست ەڭبەك ەتتى جانە سپورتتاعى قانشاما تالانتتاردىڭ اتىن شىعارىپ،چەمپيونداردى ەلىمەن تابىستىردى؟! بۇگىن قاراپ وتىرساڭ تاريحتا مۇنداي عاجاپ وقيعا بولماعان سەكىلدى! تاريحىن توپىراقپەن جاسىرعان ەلدىڭ ەرتەڭگى ەرلىكتەرى جەر بەتىندە قالادى دەگەنگە سەنەسىز بە وسىدان كەيىن؟ مەن سەنبەيمىن! قايران،قازاققا قاجەت ەمەس "سپورت" گازەتتەرى-اي،قور بولدىڭ-اۋ!!!

 نەسىپ ءجۇنىسباي

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket