Qazaqqa qajet emes "SPORT" gazetteri!

1897
Adyrna.kz Telegram

...Búgin Qazaq memleketiniń tuńǵysh sport baspasózi -- eki tilde shyǵatyn "SPORT" gazetiniń birinshi sanynyń jaryq kórgenine 60 jyl tolady! Bul -- shyndap kelgende memlekettik kólemde atap ótetin oqıǵa. Ókinishke qaraı,bul oqıǵany Sport mınıstrligin bylaı qoıǵanda gazet redakııasynyń ózi jaq ashyp,jarııalap,on adamnyń basyn qosyp,osyndaı uly oqıǵa bolyp edi-aý deýge shamasy kelmedi! Sebebi - gazetter sońǵy bes jyl kóleminde jany ashymastardyń qolyna túsip,búginde qazaqshasy derbes shyǵýdan da aırylyp,basqa bir gazettpen býdandastyrylyp,óz atynan aırylyp,tarıhı derekterdiń izi joǵalyp,tutas bir salaǵa qııanat bolyp jatqan jaǵdaıy bar! Gazetterdiń 50 jyldyǵy da atap ótilmedi! Mereıtoı atap ótilmek túgili gazetterdiń sol kezdegi qojalarynyń "SPORT" gazetterin qulaı súıetindikteriniń arqasy bolar, qazaq tilinde shyǵatyn gazetimizdiń jelkesi qıylyp,jaryqqa shyqpaı qaldy! Sporttaǵy,álem chempıonattary men Olımpıadalardaǵy Jeńisterimizge Prezıdenttiń ózinen bastap búkil halyq bórkin aspanǵa atyp qýanatynyn biletin Biz dál osyndaı JANYAShYMASTYQQA
ne aıtarymyzdy da,ne oılarymyzdy da bilmeı basty salbyratyp qana otyrmyz... Sonaý 1959 jyldyń 1 qańtarynan bastap bul gazette qanshama talantty qalamger,jankeshti jýrnalıst eńbek etti jáne sporttaǵy qanshama talanttardyń atyn shyǵaryp,chempıondardy elimen tabystyrdy?! Búgin qarap otyrsań tarıhta mundaı ǵajap oqıǵa bolmaǵan sekildi! Tarıhyn topyraqpen jasyrǵan eldiń erteńgi erlikteri jer betinde qalady degenge Senesiz be osydan keıin? Men senbeımin! Qaıran,Qazaqqa qajet emes "SPORT" gazetteri-aı,qor boldyń-aý!!!

 Nesip Júnisbaı

Pikirler