بەلگىلى كاسىپكەر يلون ماسك ءوزى باسقاراتىن «Neuralink» كومپانياسىنىڭ ادام ميىنا چيپ سالۋ سىناقتارىن كەلەسى جىلى باستايتىنىن مالىمدەدى، دەپ حابارلايدى «ادىرنا» ءتىلشىسى.
ايتۋىنشا، وپەراتسيا شامامەن ءبىر ساعاتقا سوزىلادى. ارنايى روبوت باس سۇيەگىنە تەسىك جاساپ، ءچيپتى يمپلانتاتسيالايدى.
بولاشاقتا ونەرتابىس ەرەكشە قاجەتتىلىكتەرى بار ادامداردىڭ ءومىرىن جەڭىلدەتپەك. اتاپ ايتقاندا، بۇل مۇمكىندىگى شەكتەۋلى جانداردىڭ باسقالارمەن ارالاسۋىنا جانە اياق-قولدارىنىڭ قوزعالىس بەلسەندىلىگىن قالپىنا كەلتىرۋگە مۇمكىندىك بەرەدى.
ەسكە سالا كەتەيىك، ميعا ارنالعان چيپتەردى ازىرلەيتىن Neuralink ستارتاپىن يلون ماسك 2017 جىلى اشقان ەدى. ميللياردەر ءچيپتى ميعا ورناتۋداعى ماقساتى مي مەن جۇلىن جاراقاتتارىنىڭ سالدارىن جويۋ جانە ونىڭ كومەگىمەن جوعالعان قابىلەتتەردى تولىقتىرۋ ەكەنىن اتاپ ءوتتى.
