اقتوبەدە اۋىر قىلمىس جاساعانى ءۇشىن ىزدەۋدە جۇرگەن ەر ادام ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
«30 قاراشادا وبلىستىق پد كريمينالدىق پوليتسيا باسقارماسىنىڭ قىزمەتكەرلەرى اقتوبە وبلىسى بويىنشا شەكارا قىزمەتى دەپارتامەنتىنىڭ قىزمەتكەرلەرىمەن بىرلەسىپ، 8 جىلدان استام سوت تورەلىگىنەن جاسىرىنعان رەسەي فەدەراتسياسىنىڭ ازاماتىن ۇستادى. ورىنبور وبلىسىنىڭ 35 جاستاعى تۇرعىنى اقتوبە قالاسىنداعى جيھاز تسەحتارىنىڭ بىرىندە ۇستالدى»،—دەلىنگەن حابارلامادا.
كۇدىكتى قر قك-ءنىڭ 120-بابى 2-بولىگى "زورلاۋ" بويىنشا ىزدەۋدە جۇرگەن.
قازىرگى ۋاقىتتا ۇستالعان ادام اقتوبە قالاسىنىڭ ۋاقىتشا ۇستاۋ يزولياتورىنا قاماۋعا الىندى.
