مەملەكەت باسشىسىنىڭ جارلىعىمەن بەيبىت وكسىكبايۇلى يساباەۆ جەتىسۋ وبلىسىنىڭ اكىمى لاۋازىمىنا تاعايىندالدى، دەپ حابارلايدى “ادىرنا” ۇلتتىق پورتالى.
ايتا كەتەيىك، بەيبىت وكسىكبايۇلى يساباەۆ 1962 جىلى الماتى وبلىسىندا تۋعان.
كيروۆ اتىنداعى قازاق مەملەكەتتىك ۋنيۆەرسيتەتىن، سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن. ماماندىعى – جۋرناليست، حالىقارالىق قاتىناستار مامانى. توتەنشە جانە وكىلەتتى ەلشى ديپلوماتيالىق دارەجەسى بار، ساياسي عىلىمداردىڭ كانديداتى.
1985-1994 جىلدارى ءارتۇرلى بۇقارالىق اقپارات قۇرالدارىندا جۇمىس ىستەدى. وركەن – گوريزونت گازەتتەرىنىڭ باس رەداكتورى، قازاق مەملەكەتتىك تەلەراديو كەشەنىنىڭ باس ديرەكتورى بولدى.
1994-1997 جىلدارى الماتى قالاسى اكىمشىلىگىندە باسشىلىق قىزمەتتەر اتقاردى، قالا اكىمىنىڭ ورىنباسارى بولدى.
1997-2000 جىلداردا – سىرتقى ىستەر مينيسترلىگى ديپلوماتيالىق اكادەمياسىنىڭ تىڭداۋشىسى، سىرتقى ىستەر مينيسترلىگى اكىمشىلىك دەپارتامەنتىنىڭ ديرەكتورى.
2000-2002 جىلدارى پرەمەر-ءمينيسترى كەڭسەسىنىڭ ۇكىمەتتىك اقپارات ءبولىمىنىڭ مەڭگەرۋشىسى لاۋازىمىن اتقاردى.
2002-2003 جىلدارى – سىرتقى ىستەر ءمينيسترىنىڭ كەڭەسشىسى، سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى، قازاقستاننىڭ ورتالىق ازيا ىنتىماقتاستىعى ۇيىمى ماسەلەلەرى جونىندەگى ۇلتتىق ۇيلەستىرۋشىسى.
2003-2008 جىلداردا قازاقستاننىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى، قازاقستاننىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى، قازاقستاننىڭ البانيا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى بولدى.
