اقسۋ اۋدانى تاراس اۋىلىندا كوپتەن كۇتكەن مەديتسينالىق پۋنكتى اشىلدى، دەپ حابارلايدى "ادىرنا" ءتىلشىسى.
وسى ۋاقىتقا دەيىن بۇل اۋىل تۇرعىندارى 1973 جىلى سالىنعان عيماراتتا ەم-دوم قابىلداسا، ەندى ولارعا سۋ جاڭا مەكەمەدە مەديتسينالىق كومەك كورسەتىلەدى. تۇرعىنداردىڭ قۋانىشتى ساتىمەن اۋدان اكىمى ەسىم سەيىلحانۇلى، اۋداننىڭ باس دارىگەرى سالتانات مىقتىباەۆا قۇتتىقتادى.
اۋىل حالقىنىڭ قۋانىشىن ەسەلەپ، مەديتسينالىق ورتالىقتىڭ ىرگە تاسىنىڭ قالانۋىان “قىدىرالى” شارۋا قوجالىعىنىڭ جەتەكشىسى ماقاشەۆ تولەگەن سەپ بولدى. جاڭا الەۋمەتتىك نىساننىڭ ىشىندە فەلدشەردىك كابينەت، ەكپە بولمەسى ورنالاسقان. كابينەتتەردىڭ ءبارى دە تولىقتاي جابدىقتالىپ، اۋىلداعى 400 تۇرعىننىڭ بارلىعىنا دا قاجەتتى مەديتسينالىق كومەك كورسەتۋگە ساقاداي ساي.
- ەندى مۇندا كۇندەلىكتى دەنساۋلىعىنا شاعىمدانعان جاندارعا كومەك كورسەتىلەدى. قانداي دا شۇعىل جاعداي ورىن الىپ جاتسا، كۇندىز-ءتۇنى قىزمەت كورسەتۋگە دايىنبىز،- دەيدى مەدبيكە اقمارال نۇرالينوۆا.
اۋىلداعى مەديتسينالىق پۋنكتىنىڭ اشىلعانىنا ايماقتىڭ قاريالارى ءدان ريزا. ەندى ولار كەز كەلگەن ماسەلە بويىنشا جەرگىلىكتى ماماندارعا جۇگىنە الادى.
ايتا كەتەيىك، مەملەكەت قولداۋىنىڭ اياسىندا تاراس اۋىلىندا 2018 جىلى جاڭا مەكتەپ پايدانالۋعا بەرىلسە، وتكەن جىلى اۋىلدىڭ كىرمە جولى جاسالعان.
