15 ءساۋىر كۇنى، تاڭەرتەڭ، جەتىسۋ وبلىسى، جاركەنت قالاسى كوشەلەرىنىڭ بىرىندە 54 جاستاعى جەرگىلىكتى تۇرعىن ءولى كۇيىندە تابىلدى. قازىرگى ۋاقىتتا وبلىس پوليتسەيلەرى وقيعانىڭ جاي-جاپسارىن تەكسەرىپ جاتىر. جاقىن ماڭدا جاتقان اۋزى قان-جوسا ءيتتىڭ مارقۇمدى تالاپ ءولتىرۋى مۇمكىن دەگەن كۇدىك بار، دەپ حابارلايدى "ادىرنا" ۇلتتىق پورتالى.
جەتىسۋ وبلىسىنىڭ پوليتسيا قىزمەتكەرلەرى قايتىس بولعان ەر ادامنىڭ اجالى كۇشىكتەگەن قارعىباۋسىز يتتەن بولىپ-بولماعانىن تەكسەرىپ جاتىر. وقيعا جاركەنت قالاسىندا بولدى. ەر ادامنىڭ باس ەتىندە جىرىم-جىرىمى شىققان جارالار بار، تەرىسى سىدىرىلعان.
"جاقىن ماڭداعى جەر ۇيدە كۇشىكتەگەن پيتبۋل تۇقىمدى يت انىقتالىپ، ونىڭ دەنەسىندە قان ءتارىزدى قوڭىر داقتار تابىلدى. ءيتتى ۋاقىتشا ۇيىقتاتىپ تاستاۋعا تۋرا كەلدى. ەر ادامنىڭ اجالى شىنىمەن دە ءيتتىڭ تالاۋىنان بولعان-بولماعانى قازىرگى ۋاقىتتا انىقتالىپ جاتىر", - دەدى جەتىسۋ وبلىسى پد ءباسپاسوز قىزمەتى.
ءدال قازىر وقيعا ورنىندا پانفيلوۆ اۋداندىق پوليتسياسىنىڭ جەدەل-تەرگەۋ توبى جۇمىس ىستەپ، ءمان-جايدى زەرتتەپ جاتىر. انىق اقپارات الۋعا قاجەتتى ساراپتامالار تاعايىندالدى.
ەستەرىڭىزگە سالا كەتەيىك، "ادىرنا" ۇلتتىق پورتالى ماڭعىستاۋ ايماعىندا دا بۇرالقى، قاڭعىباس يتتەردىڭ كوبەيىپ كەتكەنىن، ولاردى اتىپ جاتقانداردى توقتاتۋدى وتىنگەن وبلىس جاناوزەن تۇرعىنىنىڭ ۆيدەوسىن جاريالاعان ەدى.
"ادىرنا" ۇلتتىق پورتالى
