Beıbit Isabaev Jetisý oblysynyń ákimi laýazymyna taǵaıyndaldy

2297
Adyrna.kz Telegram

Memleket basshysynyń Jarlyǵymen Beıbit Óksikbaıuly Isabaev Jetisý oblysynyń ákimi laýazymyna taǵaıyndaldy, dep habarlaıdy “Adyrna” ulttyq portaly.

Aıta keteıik, Beıbit Óksikbaıuly Isabaev 1962 jyly Almaty oblysynda týǵan.

Kırov atyndaǵy Qazaq memlekettik ýnıversıtetin, Syrtqy ister mınıstrliginiń Dıplomatııalyq akademııasyn bitirgen. Mamandyǵy – jýrnalıst, halyqaralyq qatynastar mamany. Tótenshe jáne Ókiletti elshi dıplomatııalyq dárejesi bar, saıası ǵylymdardyń kandıdaty.

1985-1994 jyldary ártúrli buqaralyq aqparat quraldarynda jumys istedi. Órken – Gorızont gazetteriniń bas redaktory, Qazaq memlekettik teleradıo kesheniniń bas dırektory boldy.

1994-1997 jyldary Almaty qalasy ákimshiliginde basshylyq qyzmetter atqardy, qala ákiminiń orynbasary boldy.

1997-2000 jyldarda – Syrtqy ister mınıstrligi Dıplomatııalyq akademııasynyń tyńdaýshysy, Syrtqy ister mınıstrligi Ákimshilik departamentiniń dırektory.

2000-2002 jyldary premer-mınıstri keńsesiniń úkimettik aqparat bóliminiń meńgerýshisi laýazymyn atqardy.

2002-2003 jyldary – Syrtqy ister mınıstriniń keńesshisi, Syrtqy ister mınıstrliginiń Erekshe tapsyrmalar jónindegi elshisi, Qazaqstannyń Ortalyq Azııa yntymaqtastyǵy uıymy máseleleri jónindegi ulttyq úılestirýshisi.

2003-2008 jyldarda Qazaqstannyń Pákistan ıslam respýblıkasyndaǵy tótenshe jáne ókiletti Elshisi, Qazaqstannyń Túrkııa respýblıkasyndaǵy tótenshe jáne ókiletti Elshisi, Qazaqstannyń Albanııa respýblıkasyndaǵy tótenshe jáne ókiletti elshisi qyzmetin qosa atqarýshy boldy.

Pikirler