قر ءماجىلىسىنىڭ ەكس-دەپۋتاتى ومارحان وكسىكباەۆ "ەير استانا" اۋە كومپانياسىن قاتاڭ سىنعا الدى.بۇل تۋرالى ول Facebook جەلىسىندەگى پاراقشاسىندا جازدى، دەپ حابارلايدى “ادىرنا” ۇلتتىق پورتالى.
ايتۋىنشا، “ەير استاناعا” ەشكىمنىڭ ازۋى باتىپ، باقىلاي الماي وتىر.
ء"ادىل قازاقستان دەمەكشى، ءبىز ءار ىستە ادىلدىك جەڭگەنىن قالايمىز. الايدا سول ادىلدىكتىڭ اۋلى تولىق كورىنبەي تۇر. بۇگىن ايتپاقشىم ءبىزدى وڭدى سولدى الداپ-ارباپ، وكىلەتتى ورگاندارىمىزدىڭ شالالىعىن پايدالانىپ، كەنەدەي حالقىمىزدىڭ قالتاسىن قاعىپ جاتقان الپاۋىت كومپانيالار تۋرالى. سونىڭ ءبىرى - ەير استانا كومپانياسى. بيلەتتەرىنىڭ قىمباتتىعىن ايتىپ اۋزىمىز تالدى، تاڭدايىمىز كەپتى. 2006 جىلى مەن ەسەپ كوميتەتىن باسقارىپ وتىرعاندا وسى كومپانيانى تەكسەرىپ كوپتەگەن بىلىقتاردىڭ بەتىن اشىپ ەدىك، تەك ءبىزدىڭ ۇسىنىستان كەيىن كومپانيا ءبىرىنشى سامولەتتەرىن الۋدى باستاپ ەدى. سودان كەيىن بۇل الپاۋىتقا ەشكىمنىڭ ازۋى باتىپ باقىلاۋ جاساعان ەمەس.
بارىمىزگە بەلگىلى مونوپولياعا قارسى كۇرەس اگەنتتىگىن تەكسەرۋگە كىرگىزبەي مازاق جاساعانى. مىنە وسىنداي ءبىزدىڭ اتقارۋشى بيلىكتىڭ السىزدىگىن پايدالانىپ اتالمىش كومپانيا ەندى حالقىمىزدان كورسەتپەگەن قىزمەتى ۇشىندە اقى الۋدى مىنە بەس جىلعا جۋىق ۋاقىت جالعاستىرىپ كەلەدى. ءسويتىپ ميللياردتاعان زاڭسىز تابىس تابۋدا”،- دەدى دەپۋتات.
سونداي-اق، ول بيلەت قۇنىنىڭ شارىقتاۋى تۋرالى دا ءسوز قوزعاي ءوتتى.
“مەنىڭ ايتىپ وتىرعانىم كومپانيانىڭ سامولەتتىڭ ەكونوم كلاستاعى الدىڭعى ءۇش قاتار ورىندى قوسىمشا اقى ءۇشىن ساتۋى. ءار وسى ورىندار ءۇشىن ولار 6000-نان 15000 تەڭگەگە دەيىن بيلەتتىڭ قۇنىنان تىسقارى اقى الىپ وتىر. مەيلى، السىن دەلىك، بىراق سول قارجىعا كورسەتەتىن قىزمەتى بولۋى كەرەك قوي! ال ول جوق، سول ورىندا وتىرعاندارعا باسقا ەكونومكلاستا وتىرعاندارمەن تەڭ قىزمەت كورسەتىلەدى. قوسىمشا قىزمەت بولماسا قوسىمشا اقى الۋ زاڭسىز دەپ بىلەمىن! ءتيىستى قۇزىرلى ورگاندار وسى ماسەلەنى تەكسەرىپ، حالىقتى قاناۋدى توقتاتۋى كەرەك. بىلەمىن كەيبىر قورعاشتار شىعادى: “نارىق زاڭى بويىنشا سۇرانىس بولعان سوڭ سولاي ىستەپ وتىر” دەپ. وكىلەتتى ورگان بۇل كومپانيانىڭ مونوپولدى ەكەنىن ۇمىتپاعانى دۇرىس!", - دەدى ءماجىلىس دەپۋتاتى.
