25 اقپان كۇنى تۇركيانىڭ بالىكەسير قالاسىندا جوسپارلى ۇشۋ كەزىندە F-16 جويعىش ۇشاعى اپاتقا ۇشىراپ، ۇشقىش قازا تاپتى، دەپ حابارلايدى «ادىرنا» ءتىلشىسى.
اپات جەرگىلىكتى ۋاقىتپەن 00:56-جدا (قازاقستان ۋاقىتىمەن 02:50 - رەد.) بولعان. ۇشاق ىستانبۇل-يزمير تاس جولىنىڭ ماڭىنا قۇلاعان.
«اپات سەبەپتەرىن انىقتاۋ ءۇشىن تەرگەۋ جۇرگىزىلىپ جاتىر. قازا تاپقان ۇشقىشتىڭ تۋىستارىنا كوڭىل ايتامىز»، – دەپ جازدى ەلدىڭ قورعانىس مينيسترلىگى.
ۇشاق ەلدىڭ 9-شى نەگىزگى اۆياتسيالىق بازاسىنا تيەسىلى بولعان.
بۇعان دەيىن قاراعاندىدا سۋ-30سم جويعىش ۇشاعى اپاتقا ۇشىراعانىن جازعان ەدىك.
سوڭعى ايلاردا F-16 ۇشاعى ءجيى اپاتقا ۇشىراپ ءجۇر. 2025 جىلدىڭ تامىزىندا پولشادا اۋە پارادىنا دايىندالىپ جۇرگەن ۇشاق قۇلاپ، ۇشقىش قازا تاپقان ەدى. ال قاڭتاردا تايۆاندا F-16 ۇشاعى تەڭىزگە قۇلاعان.
ۇقساس جاڭالىقتار
