QR Mäjılısınıŋ eks-deputaty Omarhan Öksıkbaev "Eir Astana" äue kompaniiasyn qataŋ synǧa aldy.Būl turaly ol Facebook jelısındegı paraqşasynda jazdy, dep habarlaidy “Adyrna” ūlttyq portaly.
Aituynşa, “Eir Astanaǧa” eşkımnıŋ azuy batyp, baqylai almai otyr.
"Ädıl Qazaqstan demekşı, bız är ıste ädıldık jeŋgenın qalaimyz. Alaida sol ädıldıktıŋ auly tolyq körınbei tūr. Bügın aitpaqşym bızdı oŋdy soldy aldap-arbap, ökılettı organdarymyzdyŋ şalalyǧyn paidalanyp, kenedei halqymyzdyŋ qaltasyn qaǧyp jatqan alpauyt kompaniialar turaly. Sonyŋ bırı - Eir Astana kompaniiasy. Biletterınıŋ qymbattyǧyn aityp auzymyz taldy, taŋdaiymyz keptı. 2006 jyly men Esep komitetın basqaryp otyrǧanda osy kompaniiany tekserıp köptegen bylyqtardyŋ betın aşyp edık, tek bızdıŋ ūsynystan keiın kompaniia bırınşı samoletterın aludy bastap edı. Sodan keiın būl alpauytqa eşkımnıŋ azuy batyp baqylau jasaǧan emes. Bärımızge belgılı monopoliiaǧa qarsy küres agenttıgın tekseruge kırgızbei mazaq jasaǧany. Mıne osyndai bızdıŋ atqaruşy bilıktıŋ älsızdıgın paidalanyp atalmyş kompaniia endı halqymyzdan körsetpegen qyzmetı üşınde aqy aludy mıne bes jylǧa juyq uaqyt jalǧastyryp keledı. Söitıp milliardtaǧan zaŋsyz tabys tabuda”,- dedı deputat.Sondai-aq, ol bilet qūnynyŋ şaryqtauy turaly da söz qozǧai öttı.
“Menıŋ aityp otyrǧanym kompaniianyŋ samolettıŋ ekonom klastaǧy aldyŋǧy üş qatar oryndy qosymşa aqy üşın satuy. Är osy oryndar üşın olar 6000-nan 15000 teŋgege deiın bilettıŋ qūnynan tysqary aqy alyp otyr. Meilı, alsyn delık, bıraq sol qarjyǧa körsetetın qyzmetı boluy kerek qoi! Al ol joq, sol orynda otyrǧandarǧa basqa ekonomklasta otyrǧandarmen teŋ qyzmet körsetıledı. Qosymşa qyzmet bolmasa qosymşa aqy alu zaŋsyz dep bılemın! Tiıstı qūzyrly organdar osy mäselenı tekserıp, halyqty qanaudy toqtatuy kerek. Bılemın keibır qorǧaştar şyǧady: “naryq zaŋy boiynşa sūranys bolǧan soŋ solai ıstep otyr” dep. Ökılettı organ būl kompaniianyŋ monopoldy ekenın ūmytpaǧany dūrys!", - dedı mäjılıs deputaty.
Ūqsas jaŋalyqtar
